كانن كينوفەستيۆالىنە «تىعىلماق» پەن «اسان» فيلمدەرى جول تارتتى
الەمدىك قىسقامەتراجدى فيلمدەرگە ارنالعان كانن فەستيۆالىنىڭ كاسىبي ءبولىمى - Short Film Corner باعدارلاماسى اياسىندا وتاندىق ەكى كينوتۋىندى - «تىعىلماق» جانە «اسان» اتتى فيلمدەر كورسەتىلەدى.
«اتالعان باعدارلامانىڭ باستى ماقساتى - كينو الەمىندەگى كاسىبي كينوگەرلەردىڭ باسىن قوسىپ، جاس رەجيسسەرلەر مەن پروديۋسەرلەر، سونداي-اق الەمنىڭ تۇكپىر-تۇكپىرىنەن جينالعان ديستريبيۋتورلار اراسىندا بايلانىس ورناتۋ. وسى باعدارلاما اياسىندا كورسەتىلگەن فيلمدەر حالىقارالىق كينوفەستيۆالدەرگە جولداما الىپ، حالىقارالىق سەرىكتەستەر جانە ديستريبيۋتور تابۋعا مۇمكىندىكتەرى بار»، - دەپ حابارلايدى كينوستۋديانىڭ باسپا ءسوز قىزمەتىنەن.
بيىل Short Film Corner باعدارلاماسىنا قاتىسۋعا الەمنىڭ ءبىرقاتار ەلدەرىنىڭ رەجيسسەرلەرىنەن 2 مىڭنان استام تاپسىرىس كەلىپ تۇسكەن. جىل سايىن ۇلعاياتىن بۇل كورسەتكىش قىسقامەتراجدى فيلمدەرگە دەگەن قىزىعۋشىلىقتىڭ ارتىپ كەلە جاتقانىن كورسەتەدى.
ايتا كەتسەك، «تىعىلماق» جانە «اسان» فيلمدەرى بىلتىر «قازاق فيلم» كينوستۋدياسىنداعى «دەبيۋت» شىعارماشىلىق- وندىرىستىك بىرلەستىگى ۇيىمداستىرعان ستسەنارييلەر كونكۋرسىندا جەڭىسكە جەتىپ، وندىرىسكە جىبەرىلگەن بولاتىن.
«رەجيسسەر ۆەنەرا قايىرجانوۆا تۇسىرگەن «تىعىلماق» فيلمى ەرەسەكتەر پروبلەماسىنا كۋا بولعان ەكى كىشكەنتاي قىز تۋرالى باياندايدى. ولار سول جاعدايدان قاشىپ، ءوز بالالار الەمىنە جاسىرىنامىز دەپ، كوشەدە «تىعىلماق» وينايدى. بۇل تۋىندى سانكت-پەتەربور قالاسىندا وتكەن دىبىس رەجيسسەرلەرىنە ارنالعان «ينتونناتسيا» V حالىقارالىق كينوفەستيۆالىندە گريگوري فرانك اتىنداعى ارنايى جۇلدەمەن ماراپاتتالدى (فيلمنىڭ دىبىس رەجيسسەرى قويشىن قاناي). ال رەجيسسەر بەرىك جاحانوۆتىڭ «اسان» فيلمىندە كوپ جىلدارى اكەسىن كورمەسە دە، ونى اقتىق ساپارعا شىعارىپ سالۋعا بارعان جىگىتتىڭ ءومىرى سۋرەتتەلەدى»، - دەلىنگەن حابارلامادا.
