ترامپ: سانكسيا كرەملدىڭ ارەكەتىنە قاراي سالىنادى
دونالد ترامپ بۇل جايىندا ۆاشينگتوندا جاپونيا پرەمەر-ءمينيسترى سيندزو ابەمەن بىرگە وتكىزگەن باسپا ءسوز ءماسليحاتىنان سوڭ جۋرناليستەر قويعان ساۋالدارعا جاۋابىندا ايتتى.
ا ق ش پرەزيدەنتى: «پرەزيدەنت دونالد ترامپتان وزگە ەشكىم رەسەيگە قاتىستى وسىنشالىقتى قاتالدىق تانىتقان جوق. تاياۋدا عانا سيريادا ءبىزدىڭ اسكەرىمىز بەن رەسەي اسكەرىنىڭ اراسىندا كەسكىلەسكەن ۇرىس بولدى جانە ول وتە قايعىلى جاعداي. ول ۇرىستا كوپ ادام قازا تاپتى» دەدى.
پرەزيدەنت ترامپ امەريكالىق ب ا ق- تىڭ «كرەملگە قاتىستى جۇمساق ساياسات ۇستانادى دەپ نەگىزسىز تۇجىرىم جاسايتىنىنا» قىنجىلدى. «ءبىراق دونالد ترامپتان باسقا ەشكىم قاتال بولا الماعانىن سىزدەرگە رەسەيدىڭ ءوزى ايتادى» دەدى ول.
بىرنەشە كۇن بۇرىن ب ا ق ترامپ اكىمشىلىگىندە سيريادا حيميالىق قارۋ جاساۋعا قاتىسى بار دەلىنگەن رەسەيلىك كومپانيالارعا جاڭا سانكسيالار سالۋعا قاتىستى كەلىسپەۋشىلىك بارىن حابارلاعان. 5- ساۋىردە ا ق ش- تىڭ ب ۇ ۇ- داعى تۇراقتى وكىلى نيككي حەيلي رەسەيگە قارسى سانكسيا 16- ساۋىردە جاريالاناتىنىن حابارلاعان ەدى. ءبىراق دۇيسەنبىدە سانكسيا جاريالانبادى. ال ترامپتىڭ اينالاسىنداعى دەرەككوزدەرى اق ءۇي سانكسيا سالۋ جوسپارىنان سيريا ارمياسىنىڭ اسكەري زەرتحاناسى مەن حيميالىق قارۋ قويماسىنا جاسالعان اۋە شابۋىلدارىنا قاتىستى كرەملدىڭ ۇستامدىلىق تانىتىپ وتىرعانىنا بايلانىستى باس تارتىلعانىن حابارلاعان.
«ازاتتىق»
