10:27, 19 - ءساۋىر 2018 | GMT +5
تۇركيادا ەرتە پرەزيدەنت سايلاۋى وتەدى
استانا. قازاقپارات - تۇركيا پرەزيدەنتى رەجەپ تايىپ ەردوعان بيىل 24- ماۋسىمدا ەلدە كەزەكتەن تىس پرەزيدەنت جانە پارلامەنت سايلاۋى وتەتىنىن مالىمدەدى.
بۇل تۋرالى ول 18- ساۋىردە انكارادا وتكەن باسپا ءسوز ءماسليحاتىندا حابارلادى.
ەردوعان بۇل شەشىمدى ۇلتتىق قوزعالىس پارتياسىنىڭ ليدەرى ديەۆلەت باحچەليمەن كەزدەسۋدەن كەيىن قابىلداعانىن ايتتى. باحچەلي 17- ساۋىردە ەل پارلامەنتىندە ەرتە سايلاۋ وتكىزۋدى ۇسىنعان.
ەردوعان «تۇركيا تەز ارادا پرەزيدەنتتىك باسقارۋ جۇيەسىنە ءوتۋى كەرەك. ەسكى باسقارۋ جۇيەسى جۇمىس ىستەۋگە كەسىرىن تيگىزەدى. سوندىقتان ەلدە ۋاقىتىنان بۇرىن سايلاۋ وتكىزۋ قاجەت» دەدى. تۇركيا پرەزيدەنتى ەل ۇكىمەتىن ەرتە سايلاۋعا دايىندىقتى قازىردەن باستاۋدى تاپسىردى.
ەلدە سايلاۋ 2019-جىلى قاراشادا ءوتۋى ءتيىس ەدى.
