نوۆوسىبىردەگى قازاقتار انا ءتىلىن ۇيرەنىپ جاتىر
بيىلعى جىلى شارانىڭ سالتاناتتى اشىلۋى ءنوۆوسىبىر وبلىسى قاراسۋىق اۋدانىندا ءوتتى. وعان وبلىستىق تىلدەردى دامىتۋ جونىندەگى باسقارماسىنىڭ باسشىسى ساۋلە وسمانوۆا، قاراسۋىق اۋىلدىق وكرۋگىنىڭ اكىمشىلىگى، اقساقالدار كەڭەسى جانە قوعام وكىلدەرى قاتىستى.
كۋرستىڭ ماقساتى كورشى ەلدە تۇراتىن وتانداستارمەن مادەني بايلانىستاردى دامىتۋ جانە نىعايتۋ، قازاق دياسپوراسىنىڭ وكىلدەرىنە انا ءتىلىن مەڭگەرۋ ءۇشىن ادىستەمەلىك جانە ۇيىمداستىرۋشىلىق قولداۋ كورسەتۋ بولىپ تابىلادى.
قازاق ءتىلىن وقىتۋ كۋرستارى ناۋرىز مەيرامى مەرەكەسىن وتكىزۋ شەڭبەرىندە وبلىستا جاريالانعان تىلدەر مەرەكەسىمەن تۇسپا- تۇس ءدال كەلدى. قازاق دياسپوراسىنان جەرگىلىكتى 50 وكىلى «قازاق ءتىلىنىڭ ينتەنسيۆتىك كۋرسى» اتتى جاڭا يننوۆاتسيالىق ءادىس ارقىلى ءتىلدى مەڭگەرەدى. قازاق ءتىلىن وقىتۋعا ارنالعان كۋرستاردى كوپتەگەن وقۋ-ادىستەمەلىك قۇرالداردىڭ اۆتورى، كىتاپتاردى ازىرلەۋشى، جەتەكشى ءارى تاجىريبەلى قازاق ءتىلى مامانى شولپان كينجيكوۆا جۇرگىزەدى.
ايتا كەتەيىك، اتالمىش شارا پاۆلودار وبلىسى رەسەي فەدەراتسياسىنىڭ شەكارالاس وڭىرلەرىمەن ۇزاق مەرزىمدى مادەنيەتارالىق ىنتىماقتاستىقتى ىسكە اسىرۋ، تىلدەردى دامىتۋ مەن قولدانۋدىڭ 2011-2020-جىلدارعا ارنالعان مەملەكەتتىك باعدارلاماسىنىڭ تارماعى شەڭبەرىندە جۇزەگە اسىرىلدى.
