مەملەكەت باسشىسى: ۇلتتىق بانكتى قىسپاققا الۋدى دوعارىڭدار

استانا. قازاقپارات - ق ر پرەزيدەنتى نۇرسۇلتان نازاربايەۆ دەپۋتاتتار ارقىلى ۇلتتىق بانككە قىسىم جاسايتىندارعا ەسكەرتۋ جاسادى، دەپ حابارلايدى قازاقپارات ءتىلشىسى.

«دەپۋتاتتار ارقىلى ۇلتتىق بانكتى قىسپاققا الۋدى دوعارىڭدار! نە بولىپ كەتتى ءوزى؟ مەن ءبىر نارسەنى تۇسىنبەيمىن، سوڭعى كەزدە ۇلتتىق بانكتىڭ ءتوراعاسى بولسىن، مينيستر بولسىن، دەپۋتاتتار ءبارىن ورتاعا سالىپ، قىسپاققا الادى. ۇلتتىق بانكتىڭ ءتوراعاسى تىكەلەي پرەزيدەنتكە باعىنادى. سوندىقتان وندايدى قويۋ قاجەت. ول دۇرىس ەمەس. ءبىز ولاي جۇمىس ىستەگەن جوقپىز. ۇلتتىق بانك دۇرىس جولدى ۇستاپ كەلەدى. بانك جۇيەسىن قالپىنا كەلتىرەمىز. ەلدىڭ الدىندا تۇرعان مىندەتتەردى ورىندايتىن بولامىز»، - دەدى ن. نازاربايەۆ اقوردادا وتكەن كەڭەستە.

ايتا كەتەيىك، بۇگىن ق ر پرەزيدەنتى نۇرسۇلتان نازاربايەۆ ۇلتتىق بانكتىڭ ەسەبىن تىڭداپ، وسى سالادا اتقارىلعان جۇمىسقا وڭ باعا بەردى.

مەملەكەت باسشىسى ءبىرقاتار بانكتەرگە ەسكەرتۋ جاسادى.

سونداي-اق، «7-20-25» باعدارلاماسىن تەزدەتىپ باستاۋدى تاپسىردى.