استانانى قار باسىپ قالدى

استانا. قازاقپارات - استانانى قار باسىپ قالدى، دەپ حابارلايدى قازاقپارات.

استانادا 18- ءساۋىر كۇنى تۇنگە قاراي جاۋعان جاۋىننىڭ سوڭى قارعا ۇلاستى. قالا كوشەلەرىن اق ۇلپا قار باسىپ قالدى.

ەسكە سالا كەتسەك، بۇدان بۇرىن قازگيدرومەت ءساۋىر ايىنىڭ سالقىن ءارى جاۋىندى بولاتىندىعىن بولجاعان بولاتىن.

سينوپتيكتەر ءساۋىر ايىندا اۋا رايى الدامشى بولاتىندىعىن ايتادى.

«ءۇشىنشى ونكۇندىكتىڭ باسىندا جانە سوڭىنا قاراي كۇن رايى قايتادان سۋىتا تۇسەدى. ەلىمىزدىڭ سولتۇستىك ايماقتارىندا جاۋىن-شاشىندى بولادى. تۇندە اۋانىڭ تەمپەراتۋراسى 0 دەن تومەن، كۇندىز 5-15 جىلىلىقتى كورسەتەدى. ال وڭتۇستىك وڭىرلەردە وتكىنشى جاۋىن جاۋىپ، نايزاعاي كۇركىرەيدى. اۋانىڭ تۇنگى تەمپەراتۋراسى 5-10 گرادۋس جىلى، كۇندىز 15-20 دەيىن كوتەرىلەدى»، - دەگەن ەدى «قازگيدرومەت» ر م ك- نىڭ ۇزاق مەرزىمدى اۋا رايى بولجامى باسقارماسىنىڭ باسشىسى گۇلميرا اقىشەۆا.

ايتا كەتەيىك، جاقىندا عانا «قازاقپارات» اگەنتتىگىنىڭ رەسمي ساۋالىنا «قازگيدرومەت» ر م ك جاۋاپ بەرىپ، بيىلعى كوكتەم مەن جازداعى اۋا رايىنا قاتىستى بولجامداردى جاريالاعان بولاتىن.