فۋتبولدان قازاقستان كۋبوگى: «توبىل» كەلەسى كەزەڭگە ءوتتى
كۋبوك ويىنى قوستانايدىڭ «زاتوبولەتس» الاڭىندا ءوتتى. «توبىل» كلۋبىنىڭ باس باپكەرى ۆلاديمير نيكيتەنكو بۇگىنگى ويىنعا بەس قورعاۋشىمەن شىقتى. شابۋىل وتىندە -مولداقارايەۆ پەن فەدين جۇبى. ولارعا الدىڭعى شەپتە باۋىرجان تۇرىسبەك كومەكتەستى.
ءبىرىنشى تايمداعى ەڭ ايشىقتى ءسات جاسۇلان مولداقارايەۆتىڭ ەنشىسىندە. ول الاڭ ورتاسىنان پاس الىپ، «جەتىسۋ» قاقپاسىنا اينالدىرا سوققى جاساعان. الايدا، جىلدامدىق تانىتقان قاقپاشى نۇرلىبەك ايازبايەۆ دوپتى قايتارىپ جىبەردى.
كەزدەسۋدىڭ ەكىنشى بولىگىندە الاڭعا «توبىلدىڭ» گرۋزيالىق لەگيونەرى دجابا كانكاۆا قوسىلدى. كانكاۆا شىققان سوڭ قوستانايلىقتاردىڭ شابۋىلعا «جان بىتكەندەي». 65-مينۋتتا تالدىقورعاندىقتار باۋىرجان تۇرىسبەكتى ايىپ الاڭىندا شالىپ جىقتى. پەنالتي! ب. تۇرىسبەك نۇكتەدەن قاتەلەسپەدى. 1:0!
قالعان ۋاقىتتا «توبىل» ويىنشىلارى قورعانىستا ويناپ، وسى ەسەپتى ساقتاپ قالدى. ناتيجەسىندە، قوستانايلىقتار كۋبوك ويىندارىنىڭ كەلەسى كەزەڭىنە شىقتى.
