قازاقستاننىڭ «بايتەرەك» عارىشتىق زىمىراندار كەشەنىن قۇرۋ مەرزىمى قىسقارتىلدى
«جوسپار بويىنشا 2025 -جىل ەدى. ءبىز قازىر 2022 -جىلى قۇرىلاتىنداي جۇمىستى جەدەلدەتىپ جاتىرمىز»، - دەدى ق ر قورعانىس جانە ايروعارىش ونەركاسىبى ءمينيسترى بەيبىت اتامقۇلوۆ پارلامەنت ءماجىلىسىنىڭ وتىرىسىنان كەيىن تىلشىلەرگە جاۋاپ بەرە وتىرىپ.
ءمينيستردىڭ ايتۋىنشا، بيىل قازاقستاندىق تاراپ تەحنيكالىق- ەكونوميكالىق نەگىزدەمەنى دايىنداپ، 2020 -جىلعا قاراي «زەنيت- م» ستارتتىق الاڭىنىڭ ينفراقۇرىلىمىن جوندەۋگە كىرىسىپ كەتۋى ءتيىس. 2022 -جىلعا قاراي قازاقستان بارلىق جۇيەنى جاڭعىرتىپ، ونى سيفرلى فورماتقا اۋىستىرۋعا مىندەتتەلەدى.
«2022 -جىلدىڭ جازىنا قاراي ءبىز قازاقستاندىق تاراپتىڭ جۇمىسىن اياقتاۋىمىز كەرەك. بۇل الاڭنىڭ وزىنە، جىبەرۋ قوندىرعىسىنا قاتىستى ماسەلەلەلەر. ءبىز جىبەرۋ قوندىرعىسىنىڭ يەسى بولامىز. رەسەيلىكتەر زىمىراننىڭ قالپى مەن ءپىشىنىن، ونىڭ نەگىزگى ستاندارتتىق ولشەمدەرىن اياقتاۋى كەرەك. بۇل تولىعىمەن ەكولوگيالىق تازا، جاڭا زىمىران بولادى. كەلەسى جىلى ولار كونسترۋكتورلىق جۇمىستى باستاۋى ءتيىس. ال 2021 -جىلى رەسەيلىكتەر زىمىران بويىنشا بارلىق جۇمىس - سىناقتى اياقتاپ، 2022 -جىلى جىبەرۋگە دايىنداۋى ءتيىس»، - دەدى مينيستر.
ەسكە سالا كەتسەك، «بايتەرەك» قازاقستان مەن رەسەيدىڭ بىرلەسكەن جوباسى. ول «بايقوڭىر» عارىش ايلاعىنداعى «زەنيت» عارىشتىق زىمىراندار كەشەنىنىڭ قازىرگى ينفراقۇرىلىمىندا جانە كەلەشەگى زور رەسەيلىك ورتاشا كلاستاعى تاسىعىش- زىمىراندا (ت ز) دايىندالاتىن بولادى.
