21:15, 18 - ءساۋىر 2018 | GMT +5
تۇركيا باسشىسى ەلدە كەزەكتەن تىس سايلاۋ وتەتىنىن ءمالىم ەتتى
استانا. قازاقپارات - تۇركيا پرەزيدەنتى رەدجەپ تايىپ ەردوعان ەلدە كەزەكتەن تىس سايلاۋ وتەتىنىن ءمالىم ەتتى.
بۇل تۋرالى قازاقپارات انادولى اگەنتتىگىنە سىلتەمە جاساپ حابارلايدى.
سايلاۋ 24- ماۋسىمعا جوسپارلانىپ وتىر.
«2018-جىلدىڭ 24- ماۋسىمىندا تۇركيادا كەزەكتەن تىس پرەزيدەنتتىك جانە پارلامەنتتىك سايلاۋلار وتەدى. تۇركيانىڭ ۇلتتىق قوزعالىسى پارتياسىنىڭ باسشىسى ديەۆلەت باحچەليمەن بولعان كەلىسسوزدەر بارىسىندا كەزەكتەن تىس پرەزيدەنتتىك جانە پارلامەنتتىك سايلاۋلار وتكىزۋ ماسەلەسىن تالقىلادىق»، - دەدى تۇركيا باسشىسى.
ونىڭ سوزىنشە، بۇنگىننەن باستاپ، تۇركيادا سايلاۋعا زاڭدىق تۇرعىدا دايىندىق پروتسەسى باستالادى.
«تۇركيانىڭ جوعارى سايلاۋ كوميستسياسى شۇعىل تۇردە دايىندىق جۇمىستارىنا كىرىسەدى»، - دەدى ەردوعان.
