لوتەرەيادان ەكى رەت ۇتىس ۇتقان ازامات ساتتىلىگىنىڭ سەبەبىن ءتۇسىندىردى

 استانا. قازاقپارات - امەريكالىق ازامات مايكل فورسبەرگ لوتەرەيادان ەكى رەت دجەكپوت ۇتىپ الدى. ول ساتتىلىگىنىڭ سەبەبىن ءتۇسىندىردى.

بۇل تۋرالى lenta.ru-عا سىلتەپ Stan.kz اقپاراتتىق اگەنتتىگى حابارلايدى.

كاليفورنيا تۇرعىنى لوتەرەيادان ۇتىس اكەلگەن بيلەتتى ساتىپ الماس بۇرىن ساتسىزدىككە ۇشىراعان ادامعا التى دوللار بەرگەنىن ايتادى. فورسبەرگ 750 مىڭ دوللار ۇتىپ العانىن بىلگەن سوڭ، دۇكەنگە قايتا ورالىپ، ساتۋشىدان بيلەتتى تەكسەرىپ بەرۋدى وتىنگەن.

«بۇل شىنايى بيلەت پە الدە قالجىڭ با، بىلمەدىم»، - دەيدى امەريكالىق ازامات.

فورسبەرگتىڭ پىكىرىنشە، بۇل ۇتىس وعان قايىرىمدى ءىسى ءۇشىن بەرىلگەن سىي ىسپەتتى.

ءبىر قىزىعى، ازامات وسىدان جەتى جىل بۇرىن لوتەرەيادان 10 مىڭ دوللار ۇتىپ العان. فورسبەرگ سول ۋاقىتتان بەرى تاعى دا ۇتىسقا يە بولامىن دەپ ۇمىتتەنگەنىن ايتادى. ەندى ول ولجاسىن «قارىزداردى تولەپ، بارلىق پروبلەمالاردى شەشۋگە» جۇمساماقشى.

دەگەنمەن، فورسبەگ ۇتىسىنىڭ بۇدان دا كوپ بولۋى مۇمكىن ەكەنىن ويلاپ، وكىنىش ءبىلدىردى.

«ءبىر جامانى - بۇل 750 ميلليون دوللار ەمەس. مۇمكىن تاعى ويناپ كورۋىم كەرەك شىعار»، - دەدى ول.