مۇعالىمدەرگە ۇستەمە اقىنى اكىمدىكتەر تولەيدى - ساعاديەۆ
«وسى ماسەلەنى ءتۇسىندىرىپ وتكىم كەلەدى. مۇعالىمدەر جالاقىسىن تولىقتاي الۋى ءۇشىن ءبىز بۇگىن ماجىلىستە تالقىلاپ، قابىلداعان زاڭدى قابىلداۋىمىز قاجەت. ەندى ول سەناتقا جولدانادى. وسىدان كەيىن، ياعني، زاڭ كۇشىنە ەنگەن سوڭ ءبىزدىڭ بيۋجەتىمىزدە دە وزگەرىستەر بولادى. رەسپۋبليكالىق بيۋجەت مۇعالىمدەردىڭ جالاقىسىنا بولىنگەن قاراجاتتى جەرگىلىكتى بيۋجەتكە اۋدارا الادى»، - دەدى ب ع م باسشىسى.
ونىڭ ايتۋىنشا، قازىرگى ۋاقىتتا رەسپۋبليكالىق بيۋجەتتەگى قاراجاتتى جەرگىلىكتى بيۋجەتكە اۋدارۋدىڭ قاجەتى جوق.
«دەگەنمەن پرەزيدەنتتىڭ تاپسىرماسىن ورىنداي وتىرىپ، ءبىز جەرگىلىكتى اتقارۋشى ورگانداردان، اكىمدىكتەگىلەردەن رەزەرۆتەگى قاراجاتتارىن بەرە تۇرۋىن سۇرادىق. ارينە، ونى قايتارىپ بەرەمىز»، - دەدى مينيستر.
«اكىمدىكتەگىلەردىڭ كوبىندە قاراجات بار جانە ولار قاڭتاردان باستاپ سول قاراجاتقا جۇمىستارىن جۇرگىزىپ جاتىر. ولار بارلىق قاراجاتتى رەسپۋبليكالىق بيۋجەتتىڭ قايتارىپ بەرەتىنىن بىلەدى. 1-قاڭتاردان اقشا الۋى ءتيىس بولعان مۇعالىمدەر اقشانى مىندەتتى تۇردە الاتىن بولادى»، - دەدى ەرلان ساعاديەۆ.
