ولجاس سۇلەيمەنوۆتىڭ قاناتتى سوزدەرى
* ادەتتە تاڭبا اتاۋدان بۇرىن شىعادى.
* سوزدىك - تاريحي مالىمەتتەردىڭ قاينار كوزى.
* ءتىل - جازبا جادىگەرلەردە تاڭبالانباعان الەم جىلناماسىن ساقتاۋشى قۇرال.
* شىندىقتىڭ ناداننىڭ تابانىنىڭ استىندا شىرىلداپ جاتقانىن كورگەندە - نەمكەتتى سەزىمنىڭ دە ءداتى شىدامايدى ەكەن.
* تۇركى رۋلارى قاۋىمداستىقتارى اراسىنداعى قاقتىعىستار ولاردىڭ تاڭبا شەبىن كەڭىستىك باعىتتا ۇزارتا ءتۇسۋ نيەتىنە سايكەس تۇتانىپ وتىردى.
* اقيقاتتى سەبەپ- سالدار جولىمەن ءتۇسىندىرۋ - لەيبنيتستىڭ ويلاپ تاپقان امالى. سوعان وراي تاجىريبەدەن سالداردى يلانىمدى دەڭگەيگە جەتكىزۋگە قاجەت سەبەپ تەرىلىپ الىنادى.
* اتا- بابالارىمىزدىڭ سانا- سەزىمدەرىنىڭ قالتارىستارى از بولماعان.
* تاريحي شىندىقتى جەكە ادامنىڭ كوزقاراسى بيلەپ كەتكەن كەزدە - ءازازىل كەيىپكە تۇسكەن دەرەك تاڭىرلىك جولدان تايادى: عىلىم ونداي دەرەكتىڭ ماڭدايىنا قارعىس تاڭباسىن باسادى.
* جازبا دەرەكتەرگە كوزسىز سەنۋ - تاريحنامانىڭ عىلىمنان ايىرماشىلىعى وسىندا جاتىر.
* ەۋروپانىڭ دا، ازيانىڭ دا جىلنامالارىندا ادامزاتتىڭ وتكەنى - سۇراپىل سوعىستار، ساراي توڭكەرىستەرى ارقىلى عانا بەينەلەنەدى. ال مادەنيەت تاريحى ءۇزدى- جۇلدى، جول- جونەكەي عانا ۇشىراسادى. پاتشالار مەن اسكەري قولباسشىلاردىڭ (ءتىپتى ءجۇزباسىلاردىڭ) ەسىمدەرى مەن ءومىرباياندارى اتالادى. ال ۇلى مۋزىكانتتار مەن اقىنداردىڭ، سۋرەتشىلەر مەن عالىمداردىڭ كوبىنىڭ اتتارى مۇلدەم ساقتالماعان.
* جىلناما بىتكەننىڭ بەتتەرىنەن ايقاي- شۋ، ويباي مەن بالاعات لەبى ەسەدى. ءتىنى - ۇرەي مەن كەك. ال ميللياردتاعان ۇلكەندى- كىشىلى ماحابباتتار، ادامزات باقىتى، قۋانىش پەن ءۇمىت، مىڭداعان جىلدارعا ۇلاسقان بەيبىت ەڭبەك ءداۋىرىنىڭ ءىزى دە جوق.
* ءماجىلىس ۇستىندە قىزىق ويلار كەلەدى. ءوزىڭدى سيمفونيالىق مۋزىكا تىڭداعانداي سەزىنەسىڭ. ءسوز بەن اۋەن ويلاۋ جۇيەسىن رەتتەيدى. قۇبىلىستاردى شەندەستىرە ويلاۋ مۇمكىندىگى تۋادى.
* ءداستۇرلى تاريحتى تەرىسكە شىعارۋ - ازيانىڭ قازىرگى جاس زيالىلارىنا ءتان ورتاق كوزقاراس.
* تاريح- ۇزاق ۋاقىت بويى ساياساتتىڭ قۇلى، شوۆينيزم مەن ۇلتشىلدىقتىڭ قاينار كوزى بولىپ كەلدى.
* نەگە پوەزيا - تەك سەزىمنىڭ، ال عىلىم - تەك زەردەلىلىكتىڭ كورىنىسى بولۋعا ءتيىس. اقىلسىز ادام شىعارعان ولەڭ جولدارى ناقىلعا اينالمايتىنى حاق.
* «عالىم» ، «اقىن» دەگەن ۇعىمداردىڭ ماعىنالارىنىڭ اجىراتىلعانىنا ونشا كوپ بولا قويعان جوق. ەكەۋى دە ءبىر سوزبەن ايتىلعان: ەۋروپادا - «ارتيست» ، ورتا ازيادا - «چاليابي» . «چالياب» - كونە تۇركى تىلىندە «جاراتقان» دەگەندى بىلدىرەدى.
* ءومىرىڭدى الدىن- الا جوسپارلاپ، بەلگىلەپ العان باعدارلاماڭدى باپ- بابىمەن مۇلتىكسىز ورىنداي قولدان كەلە قويار ما ەكەن؟ !
* پايدا قۋۋ - ويىن شارتى. مۇددەلى بولماساڭ، ويىنعا دا كىرمەيسىڭ.
* عىلىم ءۇشىن ءتىل مەن جازۋ - قايماعى الىنباعان مادەني يگىلىك.
* ءسوز دەگەنىمىز - دايەك.
* كوشپەلىلەر عىلىمنان كوپ زورلىق كورگەنى انىق.
* شىنايى عىلىمدا اتاق پەن دارەجە دالەلگە جۇرە المايدى. ال قاتەلىك پەن ناداندىق كەيدە قول ۇستاسىپ كەتۋى مۇمكىن.
* ءبىزدىڭ قۇر قۋىس دەپ جۇرگەنىمىز تەكتى تەرەڭدىك بولىپ شىعۋى دا عاجاپ ەمەس.
* جازۋ ءۇردىسى دە ماڭگىلىك ەمەس.
* ناقتى عىلىمداردىڭ ۇدايى جاسارىپ- جاڭعىرىپ تۇرۋىنىڭ قۇپياسى - ولاردىڭ قاشاندا وي جاڭارتۋعا ءازىر تۇراتىندىعىندا جاتسا كەرەك.
* عىلىمنىڭ باسقا سالالارىندا ءدال ءتىل عىلىمىنداعىداي «اتا- باباعا» كوزسىز تابىنۋ سالتى جوق شىعار.
* كوشپەلىلەر ات جالىن قۇشىپ، قانشا شاپقانىمەن - ۋاقىت سول ءبىر ورنىنان قوزعالماعان سياقتى.
* مەن - جاراتىلىسىمنان بارلاۋشىمىن.
* تىلدەر تۋىستىعى - مادەني تۋىستىق.
* كەز كەلگەن حالىقتىڭ ءومىر گرافيگى - كارديوگرامما ىسپەتتەس. مەديتسينادا ءتۇزۋ سىزىق ادامنىڭ عۇمىرى تاۋسىلعانىن بىلدىرەدى. تاريح ءۇشىن - قايتا ورلەۋ بەلگىسى. كۇش جيناۋ كەزەڭىنىڭ بەلگىسى.
* ماتەريالدىق مادەنيەتتىڭ بۇكىل تاريحىن سۇلۋلىقتىڭ - اسەمپازدىقپەن، بەينەنىڭ - زاتپەن، پوەزيانىڭ - سوزبە- ءسوز ۇعىنىقتىلىقپەن تولاسسىز كۇرەسى دەۋگە بولادى.
* ناعىز ءتىل مامانى ءسوزدىڭ ىشكى قۇدىرەتىن سەزىنە الۋى كەرەك.
* ءتۇن - ولگەن كۇن.
* كونە زامان ادامدارىنىڭ جان دۇنيەسى - تابيعات پوەزياسىمەن تۋىستاس.
* تۇركى مادەنيەتى دامۋىنىڭ ەكى شىڭىنىڭ اراسىندا (باعزى تۇركى - شۋمەر مەن كونە تۇركى - ءسىبىر) بىرنەشە مىڭجىلدىق قۇردىم جاتىر.
* شۋمەر مەن تۇركى تىلدەرى - ءدىن ورتاقتىعى نەگىزىندە قالىپتاسقان مادەني فەدەراتسيالىق تىلدەر.
Massaget.kz
