بانگكوكتا جاستار اراسىندا بوكستان ازيا چەمپيوناتى وتەدى
«الداعى قۇرلىق چەمپيوناتىنا قاتىسۋشى ەلدەردىڭ سانى رەكوردتىق كورسەتكىش بولادى. وندا ازيانىڭ 35 ەلىنەن كەلگەن 235 بوكسشى ءوزارا مىقتىلاردى انىقتايدى. جاستار اراسىنداعى قۇرلىق بىرىنشىلىگىنە اۋعانستان، شىعىس تيمور، كامبودجا، كاتار، ليۆان، ب ا ءا، سولتۇستىك كورەيا وكىلدەرى العاش رەت قاتىسادى. ازيا چەمپيوناتتارىنىڭ دەبيۋتانتى بولىپ وتىرعان شىعىس تيمور كومانداسىن ەرەكشە تىلگە تيەك ەتە كەتكەن ءجون. ازيادا بوكستىڭ قۇلاش جايا دامىپ كەلە جاتقانى، ارينە، قۋانتادى»، - دەيدى حالىقارالىق اۋەسقوي بوكس قاۋىمداستىعىنىڭ (ا ي ب ا) ۆيتسە-پرەزيدەنتى، ازيا بوكس كونفەدەراتسياسىنىڭ پرەزيدەنتى سەرىك قوناقبايەۆ.
ۇلدار مەن قىزدار 10 سالماق ساناتىندا كۇش سىناسادى. وندا تەك قازاقستان مەن ءۇندىستان قۇرامالارى عانا تولىق ەرلەر جانە ايەلدەر كوماندالارىمەن ونەر كورسەتەدى.
«وسى چەمپيوناتقا قاتىساتىن سپورتشىلار ارگەنتينا استاناسى بۋەنوس-ايرەستە وتەتىن وليمپياداعا، سونداي-اق 2020-جىلى توكيودا وتەتىن وليمپياداعا قاتىسۋعا باستى ۇمىتكەرلەر بولىپ تابىلادى»، - دەيدى س. قوناقبايەۆ.
ايتا كەتەيىك، تۋرنيردىڭ جارتىلاي فينالى 26-ساۋىردە، فينالدىق كەزدەسۋلەرى 27- ءساۋىر كۇنى وتەدى.
