قانات يسلام مەن گەننادي گولوۆكين جەكپە-جەككە شىعا ما؟

استانا. قازاقپارات - قازاقستاندىق بوكسشى قانات يسلام كەزەكتى جەكپە-جەگىنە دايىندالىپ جاتىر.

ESNews تەلەارناسىنىڭ ءتىلشىسى ەلي سەكباح قازاق سپورتشىسىنىڭ دايىندىق جاتتىعۋىنا قاتىسىپ، ونىمەن سۇحباتتاسىپ قايتتى.

بۇل تۋرالى Sports.kz-كە سىلتەپ Stan.kz اقپاراتتىق اگەنتتىگى حابارلايدى.

- قانات، 25 جەكپە-جەك وتكىزىپ، بىردە-ءبىر رەت جەڭىلمەپسىڭ. جاقسى رەكورد.

- ماعان بىرەۋدى تاۋىپ بەرىڭىزدەرشى، ءوتىنىش (كۇلىپ)

- دجەرمەلل چارلومەن جۇدىرىقتاسار ما ەدىڭ؟ «كانەلومەن» شە؟

- ءيا، قۋانا-قۋانا.

- ال GGG- مەن شە؟

- ول 160 فۋنتتا عوي.

- جاقىندا تاعى ءبىر كەزدەسۋىڭ بار ەكەن؟

- ءيا.

ايتا كەتەيىك، قانات يسلام سوڭعى رەت رينگكە استانادا وتكەن جىلدىڭ قىركۇيەگىندە شىقتى. ول كەزدە قانات كانادالىق بىلعارى قولعاپ شەبەرى برەندون كۋكتى تەحنيكالىق نوكاۋتپەن جەڭدى. قاناتتىڭ كەلەسى كەزدەسۋى لاس-ۆەگاستا وتەدى. الايدا جەكپە-جەكتىڭ وتەتىن كۇنى مەن قاناتتىڭ قارسىلاسى ازىرگە بەلگىسىز.