14:06, 18 - ءساۋىر 2018 | GMT +5
قازاقستاندىق بەلگىلى فۋتبولشى «قايراتتى» جاتتىقتىراتىن بولدى
استانا. قازاقپارات - تاۋەلسىز قازاقستاننىڭ ۇزدىك فۋتبولشىلارىنىڭ ءبىرى، ۇلتتىق قۇرامانىڭ بۇرىنعى جارتىلاي قورعاۋشىسى اندرەي كارپوۆيچ الماتىنىڭ «قايرات» كومانداسى باس باپكەرىنىڭ مىندەتىن اتقارۋشى بولىپ تاعايىندالدى، دەپ حابارلايدى «SPORTINFORM» س ا ا ءتىلشىسى.
كلۋب باسشىلىعى مەن كوماندانىڭ باس باپكەرى كارلوم الوس فەرەردىڭ شەشىمىمەن قازاقستان كۋبوگىنىڭ 1/8 فينالى اياسىنداعى «وقجەتپەسكە» قارسى ويىنعا كوماندانى اندرەي كارپوۆيچ جاتتىقتىراتىن بولدى.
كارپوۆيچ كلۋبقا باس باپكەردىڭ كومەكشىسى رەتىندە 2017 -جىلى، گرۋزيالىق مامان كاحابەر سحادادزەنىڭ تۇسىندا كەلگەن. ويىنشى رەتىندەگى كارەراسىن سەمەيدە باستاعان، 1998 -جىلى قازاقستان چەمپيونى بولدى. سوڭعى ۋاقىتتا «قايراتتىڭ» شابۋىل شەبىن ءوزى جاتتىقتىرىپ ءجۇر.
قازاقستان كۋبوگىنىڭ 1/8 فينالى اياسىنداعى «وقجەتپەس» - «قايرات» كەزدەسۋى بۇگىن 14:00-دە بولادى.
