امستەردامداعى كورمەدە وزىنە قول جۇمسايتىندارعا ارنالعان قۇرىلعى تانىستىرىلدى

. قازاقپارات - امستەردامدا جەرلەۋ يندۋسترياسىنىڭ جارمەڭكەسىندە العاشقى «ءوز-ءوزىن ولتىرۋگە» ارنالعان كاپسۋلا تانىستىرىلدى، - دەپ حابارلايدى China Morning Post.

قۇرىلعىنىڭ اتى Sarco. كوپ جىل بويى ەۆتانازيانى زاڭداستىرۋدى قولداپ كەلگەن گوللانديالىق ديزاينەر الەكساندر باننينك جانە اۋستراليالىق بەلسەندى فيليپ نيچكە جاساپ شىعارعان.

ونى جاسالعانداردىڭ سوزىنشە، كاپسۋلا بۇل ومىردەن قينالماي كەتۋگە مۇمكىندىك بەرەدى. «ازداپ باس اينالادى، سوسىن بىردەن ەسىن جوعالتىپ، كوز جۇمادى»، - دەپ ءتۇسىندىردى نيچكە. كورمەگە قۇرىلعىنىڭ ماكەتى عانا قويىلدى. VR- كوزىلدىرىك ارقىلى كاپسۋلا ىشىنە ۆيرتۋالدى «كىرىپ» كورگەندەر بولدى. قۇرىلعىنى جاساۋشىلار جىل سوڭىنا دەيىن جۇمىس ىستەيتىن ۇلگىسىن جاساماق.

ايتا كەتەيىك، نيدەرلاندىدا 2002 -جىلى بەرى ەۆتانازياعا قۇقىق بەرەتىن زاڭ قابىلدانعان.

Kaz.tengrinews.kz