09:31, 18 - ءساۋىر 2018 | GMT +5
استانادا «نوتر دام دە پاري» ميۋزيكلى تۇڭعىش رەت قازاقشا قويىلادى
استانا. قازاقپارات - «قازاقستان» ورتالىق كونسەرت زالىندا مادەنيەت جانە سپورت ءمينيسترى ارىستان مۇحامەدي ۇلى «نوتر دام دە پاري» ميۋزيكلىنىڭ باس پروديۋسەرى نيكوليا تالارمەن كەزدەستى، دەپ حابارلايدى قازاقپارات.
«ءبىز استانانىڭ 20 جىلدىق مەرەيتويىنا ارنالعان ءىس-شارالاردى تالقىلادىق. «رومەو مەن دجۋلەتتا» ميۋزيكلىن ءساتتى ساحنالاعان «استانا ميۋزيكل» مەملەكەتتىك كونسەرتتىك ۇيىمى «نوتر دام دە پاري» ميۋزيكلىن تۇڭعىش رەت قازاق تىلىندە كورەرمەنگە ۇسىنادى. ايگىلى ميۋزيكلدىڭ 20 جىلدىعى استانانىڭ مەرەيتويىمەن تۇسپا-تۇس كەلىپ تۇر. استانالىق تەاتر ءۇشىن بۇل - مول تاجىريبە جانە زور جاۋاپكەرشىلىك. «نوتر دام دە پاري» ميۋزيكلى قالا تۇرعىندارى مەن قوناقتارىنا توسىنسىي بولارى جانە مەن قازاقستان اراسىنداعى مادەني بايلانىستى نىعايتارى ءسوزسىز»، - دەپ جازدى مينيستر فەيسبۋكتەگى پاراقشاسىندا.
