اتىراۋداعى ۆەلوشەرۋگە يتاليالىق ەكسترەمال قاتىسادى

اتىراۋ. قازاقپارات - ەسىمى گيننەستىڭ رەكوردتار كىتابىنا ەنگەن يتاليالىق ەكسترەمال اتىراۋداعى ۆەلوشەرۋگە قاتىسادى، دەپ حابارلايدى قازاقپارات ءتىلشىسى.

«ۆيتتوريو برۋموتتي استانا تۋرالى تاڭعاجايىپ ۆيدەوعا تۇسكەن سوڭ قازاقستاندا تانىمال بولا كەتتى. وندا ەكسترەمال ەشقانداي ساقتاندىرۋسىز كوپىرگە شىققان. ۆيتتوريو برۋموتتيدىڭ قاتىسۋىمەن ۆيدەو ءتۇسىرۋ باستاماسىن وليمپيادا چەمپيونى الەكساندر ۆينوكۋروۆ ۇسىندى. الداعى ۆەلوشەرۋگە ۆينوكۋروۆ تا، ونىمەن بىرگە «استانا» ۆەلوكومانداسى، اتلانتا وليمپياداسىنىڭ چەمپيونى زۋلفيا زابيروۆا، يليا يلين دە قاتىسادى. ۆەلوشەرۋ سوڭىندا قازاق ەسترادا جۇلدىزدارىنىڭ قاتىسۋىمەن كونسەرت بولادى»، - دەيدى «اتىراۋ وبلىسى سپورتتى قولداۋ جانە دامىتۋ» قوعامدىق قورىنىڭ وكىلى تاڭات نۇرشين.

شارا اياسىندا قايىرىمدىلىق جارمەڭكەسى جانە «استانا» ۆەلوكومانداسى لوتتارىنىڭ اۋكسيونى بولادى. ودان تۇسكەن قاراجاتتار اتىراۋ وبلىسىنداعى ۆەلوسپورت مەكتەبىنە قۇرىلعىلار الۋعا جۇمسالادى.

ۇيىمداستىرۋشىلاردىڭ ايتۋىنشا، ۆەلوشەرۋدى جىل سايىنعى داستۇرگە اينالدىرۋ جوسپارلانىپ وتىر.

قاشىقتىق 9 شاقىرىمعا سوزىلادى. ۆەلوشاباندوزدار وبلىستىق قازاق اكادەميالىق دراما تەاترىنىڭ الدىنداعى الاڭنان باستاپ، بەيبارىس الاڭىندا شەرۋدى اياقتايدى. تىركەۋ تاڭعى 8:00-دە باستالادى. ۆەلوشەرۋگە مىنا سىلتەمە ارقىلى ءوتىپ جازىلۋعا بولادى.

 

فوتو: 2.bp.blogspot.com