قىتايدا ءوتىپ جاتقان كورمەدە ديماشتىڭ كونسەرتىنە بيلەت ۇتىسقا قويىلدى

 استانا. قازاقپارات - بەيجىڭ قالاسىندا ءوتىپ جاتقان China Outbound Travel Market-2018 كورمەسىندە قازاقستان برەندىنىڭ رەسمي اشىلۋ سالتاناتى بولدى، دەپ حابارلايدى «قازاقپارات» ح ا ا ءتىلشىسى «Kazakh Tourism» ۇ ك» ا ق- قا سىلتەمە جاساپ.

كورمەدە قازاقستاننىڭ ۇلتتىق ستەندى ەكوتۋريزم، ەتنوتۋريزم، City break, MICE تۋريزم، شوپينگ، ترانزيتتىك تۋرلار سياقتى قازاقستاننىڭ تۋريزم سالاسىنداعى قىرۋار مۇمكىندىكتەرى تۋرالى ايتىلادى.

Kazakh Tourism كومپانياسى ۇيىمداستىرعان ۇلتتىق ستەندتىڭ وزەگى ايگىلى ءانشى ديماش قۇدايبەرگەننىڭ سۇگىرەتى تۇرعان فوتوزونا بولدى. وندا ءانشىنىڭ شىجىن قالاسىندا وتەتىن كونسەرتىنە بيلەت ۇتىپ الۋعا بولادى.

كورمەگە قازاقستاننىڭ قىتاي نارىعىنا بەيىمدەلگەن 12 تۋروپەراتورى قاتىسىپ جاتىر. بەرليندەگى كورمەدە جيىلعان جۇرتتىڭ كوزايىمى بولعان ارلان تەاترىنىڭ باتىر اكتەرلەرى مادەني باعدارلامانى ۇسىندى.

قازاقستان ستەندىنىڭ اشىلۋ راسىمىنە ق ر- دىڭ قىتايداعى توتەنشە جانە وكىلەتتى ەلشىسى شاحرات نۇرىشيەۆ قاتىستى.