قوس ەلدىڭ ازاماتتىعى بار قازاقستاندىقتار كىمدەر
بۇل تۋرالى بۇگىن ماجىلىستەگى ۇكىمەت ساعاتىنان كەيىن ب ا ق وكىلدەرىنە سۇحبات بەرگەن ق ر ءى ءى م كوشى- قون كوميتەتىنىڭ باسقارما باستىعى سابىرجان سەيىتجانوۆ ايتتى، دەپ حابارلايدى قازاقپارات.
«وزدەرىڭىز جاقسى بىلەسىزدەر، اتا زاڭىمىزعا سايكەس ەكى ەلدىڭ ازاماتتىعىن مويىندامايمىز. ەكى ازاماتتىعى بولعانداردىڭ كوپشىلىگى بۇرىنعى قازاقستاندىقتار. ولار قازاقستان ازاماتتىعىنان شىقپاستان باسقا ەلدىڭ ازاماتتىعىن قابىلداعان. ءبىز اتالعان ادامداردى انىقتادىق جانە ولاردىڭ ۇستىنەن ق ر اكىمشىلىك قۇقىق بۇزۋشىلىق تۋرالى زاڭىنىڭ 496-بابى بويىنشا اكىمشىلىك ءىس قوزعاپ، ايىپپۇل تولەتتىك. قازاقستان ازاماتتىعىنان ايىردىق. ولار قاراپايىم ادامدار، كوپشىلىگى رەسەي سەكىلدى كورشى ەلدەردىڭ ازاماتتارى. سونىمەن قاتار گەرمانيا ازاماتتارى دا بار» ، - دەدى ول.
ايتا كەتەيىك، ۇكىمەت ساعاتىندا ءماجىلىس دەپۋتاتى نۇرلان ءابدىروۆ 2017 -جىلى قوس ازاماتتىعى بار 600 گە جۋىق قازاقستاندىق انىقتالىپ، جاۋاپكەرشىلىككە تارتىلعانىن ايتقان ەدى.
