ا ق ش تۇرعىنى گولوۆكيننىڭ پورترەتى بار شاش ۇلگىسىن جاساتىپ الدى

استانا. قازاقپارات - ا ق ش-تاعى باربەرشوپتاردىڭ ءبىرىنىڭ يەسى ميگەل روساس تۆيتتەرگە قازاقستاندىق بوكسشى گەننادي گولوۆكيننىڭ قۇرمەتىنە ارنالعان ءوز جۇمىسىنىڭ سۋرەتىن جاريالادى

شاش قيۋ شەبەرىنىڭ كليەنتتەرىنىڭ ءبىرىنىڭ جەلكە تۇسىنا، ياعني شۇيدەسىنە كەسكىندەلگەن گولوۆكيننىڭ بەينەسى اينا-قاتەسىز جاسالعان. بۇل جۇمىسقا GGG پروموۋتەرى توم لەففلەر جوعارى باعا بەرىپ، سۋرەتتى الەۋمەتتىك جەلىدە بولىسكەن. بۇل ميگەلدىڭ العاشقى جۇمىسى ەمەس، شاشقا پورترەت سالاتىن شەبەر بۇعان دەيىن دە بىرنەشە مۋزىكا جانە سپورت جۇلدىزدارىنىڭ بەينەسىن جاساعان.

گەننادي گولوۆكين ءوزىنىڭ كەلەسى جەكپە-جەگىن 5 -مامىر كۇنى كاليفورنيا شتاتىندا وتكىزبەك. وعان قارسىلاس بولاتىن بوكسشىنىڭ ەسىمى ءالى ناقتى ەمەس.

بۇل تۋرالى Sports.kz حابارلاعان بولاتىن.