قىتايدان قازاقستانعا زاڭسىز كوشى-قون ۇيىمداستىرعان ترانس ۇلتتىق قىلمىستىق توپتاردىڭ ارەكەتى اشكەرەلەندى
«قابىلدانعان شارالار قازاقستانعا كەلۋشىلەر سانىن ارتتىردى. 2017-جىلى قازاقستانعا 5,595 ميلليون ادام كەلدى، ونىڭ ىشىندە گەرمانيا مەن باسقا ەلدەردەگى ءبىزدىڭ بۇرىنعى تۇرعىندارىمىز بار. ەلىمىزگە شەتەلدىك بيزنەسمەندەر مەن تۋريستەردىڭ كەلۋى ۇلعايدى، ينۆەستورلار ءۇشىن قازاقستانعا جۇمىس كۇشىن تارتۋ ءراسىمى جەڭىلدەتىلدى»، - دەدى ۆلاديمير بوجكو.
ونىڭ ايتۋىنشا، حالىقارالىق احۋال مەن كوشى-قون اعىنىنىڭ، ىشكى كوشى-قوننىڭ ارتۋى كۇش-قۋات قۇرىلىمدارى مەن سىرتقى ىستەر مينيسترلىگىنە قوسىمشا جاۋاپكەرشىلىك جۇكتەيدى. ۇسىنىلعان ماتەريالداردى الدىن الا زەردەلەۋ بارىسىندا تۇراقتى كوشى-قون جولدارىنداعى باسى ارتىق توسقاۋىلداردى الىپ باستاۋ قاجەتتىگىن كورسەتىپ وتىر. بۇعان قوسا، قازاقستان اۋماعىندا زاڭسىز كوشى-قون ۇيىمداستىراتىن جەكەلەگەن فيرمالار مەن تۇلعالاردىڭ قىلمىستىق ارەكەتتەرى انىقتالعان.
«بۇل رەتتەگى سيفرلار الاڭداتارلىق. اۋعانستاننىڭ 49 ازاماتى قازاق بولماسا دا ورالمان قازاق مارتەبەسىن الۋعا تىرىسقان. ولاردىڭ كوشىلىگىنە قازىرگى ۋاقىتتا ىزدەۋ جاريالانعان. بانگلادەش پەن اۋعانستان ازاماتتارى ءبىزدىڭ ەلىمىزدىڭ اۋماعىن ەۋروپاعا ءوتۋى جانە ول جاقتا تۇراقتى قونستانۋ ءۇشىن پايدالانۋعا تىرىسادى. ەكى تۇرانس ۇلتتىق توپ قازاقستاندا تىركەلگەن 85 كومپانيا ارقىلى قىتاي حالىق رەسپۋبليكاسىنان قازاقستانعا جاپپاي زاڭسىز كىرۋدى ۇيىمداستىرعان»، - دەدى ۆ. بوجكو.
اۆتور: مارلان جيەمباي
