اۋستراليالىق زەرتتەۋشىلەر قازاقستانعا جاڭا اتاۋ بەردى

استانا. قازاقپارات - اۋستراليالىق كومپانيا الەم كارتاسىن جاساپ شىعىپ، وندا بارلىق مەملەكەت اتاۋلارىن اۋدارىپ قويعان

سونىمەن قاتار مەملەكەت اتاۋلارىنىڭ ماعىناسىن دا جازۋدى ۇمىتپاپتى.

بۇل تۋرالى «كاراۆان» باسىلىمىنا سىلتەمە جاساپ Stan.kz حابارلايدى.

زەرتتەۋشىلەر قازاقستاندى كارتادا «ءارقايسىسى بەلگىلى ءبىر جەردە ورنالاسقان ورىن» دەپ كورسەتكەن. ال بىزبەن كورشىلەس جاتقان قىرعىزستان مەملەكەتىن «40 تايپا مەملەكەتى» رەتىندە ەنگىزگەن. سونىمەن قاتار زەرتتەۋشىلەر وزبەكستاندى «ەركىن حالىقتار مەملەكەتى»، تاجىكستاندى «تاجىكتەر ءۇيى» دەپ اۋدارىپتى.

 

كارتادا كەي مەملەكەتتەر جەرگىلىكتى حالقىنا بايلانىستى اتاۋعا يە بولسا، وزگەلەرىنە ورنالاسقان جەرىنە، لاندشافتىنا، ۇشىنشىلەرىنە جەرگىلىكتى حالىقتاردىڭ مادەني ەرەكشەلىكتەرىنە بايلانىستى «وزگەشە» اتاۋ بەرىلگەن.

 

مىسالى، «كورەيا» ءسوزى قىتايدىڭ «كوريە» سوزىنەن شىققان. ول «ۇزىن جانە ادەمى» دەپ اۋدارىلادى. ال «اۋستراليا» ءسوزى «وڭتۇستىك» دەگەن ماعىناعا سايادى.

 

بۇرىنداردا يتاليانىڭ وڭتۇستىگىندە مەكەندەگەن حالىقتاردىڭ بەلگىسى وگىز بولعان. سوندىقتان مەملەكەت اتاۋى لاتىن تىلىندەگى «witaloى» (بۇزاۋ) سوزىنەن شىققان.