پاۆلودار وبلىسىندا روبوتتاردىڭ فەستيۆالى ءوتتى
بۇل تۋرالى وبلىستىق ءبىلىم بەرۋ باسقارماسى حابارلادى. جارىسقا التى كوماندا، 30 قاتىسۋشى قاتىستى. فەستيۆال ءۇش كەزەڭدە ءوتتى: ءبىرىنشى - «ءبىر تۇزۋمەن ءجۇر»، ەكىنشى - «سۋمو» كۇرەسى»، ءۇشىنشى - «روبوتتاردى جينا». كورەرمەندەر مەن قاتىسۋشىلار روبوتتاردىڭ ارەكەتتەرىن بار ىنتالارىمەن باقىلاپ، ءوز كوماندالارىنا جانكۇيەر بولدى.
«كوپشىلىگىمىزدىڭ تۇسىنىگىمىزدە روبوتتى تەحنيكا - عىلىم مەن فانتاستيكانىڭ تۇيىسىندەگى باعىتى، مۇمكىن، سول سەبەپتەن روبوتپەن بايلانىستىنىڭ ءبارى بالالاردىڭ قىزىعۋشىلىعىن تۋعىزادى. ماڭىزدىسى، روبوتتى تەحنيكامەن جۇمىس باسقا مەكتەپ پاندەرى دامىتپايتىن، وقۋشىلاردىڭ مەحانيكالىق قابىلەتتەرىن ارتتىرۋعا قىزمەت ەتەتىنى»، - دەيدى قازىلار القاسىنىڭ مۇشەسى، ىنتالى مەكتەبىنىڭ ينفورماتيكا مۇعالىمى ا. م. قۇسميدەنوۆ.
فەستيۆال ناتيجەسىندە «ءبىر تۇزۋمەن ءجۇر» نوميناتسياسىندا ءبىرىنشى ورىندى پەسچان 1№ جوم وقۋشىسى ميحايل كولوسوۆ، ەكىنشى ورىندى الەكساندر نيكيفوروۆ يەلەنسە، ءۇشىنشى ورىنعا كاچير 1№ جوم وقۋشىلارى الينا ماكوۆەتس، الەكساندر اگاپيتوۆ لايىق دەپ تانىلدى.
«سۋمو» نوميناتسياسىندا پەسچان 1№ مەكتەبىنەن ۆيكتوريا گريگورچۋك، كاچير 1№ مەكتەبىنەن يۆان دەميديۋك، ۆلاد ەلگين كوش باستادى. ال، «روبوتتى جينا» نوميناتسياسىندا كاچير №3 جوم وقۋشىلارى شىڭعىس تۇگەلباي، يسا رامازان جەڭىسكە جەتتى. ەكىنشى ورىنعا بەرەگوۆوي ءبىلىم ورداسىنان راسۋل قاسان ، ەلدار جانتەمىروۆ لايىق دەپ تانىلدى. «Creative proekt» شىعارماشىلىق جوباسىندا ءتۇرلى نوميناتسيالار بويىنشا كاچير 3№ جوم، پەسچان 2№ جوم، بەرەگوۆوي جوم كوماندالارى كوزگە ءتۇستى. جەڭىمپازدار مەن جۇلدەگەرلەر گراموتالارمەن جانە قۇندى سىيلىقتارمەن ماراپاتتالدى.
