گولوۆكيننىڭ بارلىق قارسىلاسى بۇعاتتالعان

 استانا. قازاقپارات - دۇنيەجۇزىلىك بوكس قاۋىمداستىعىنىڭ پرەزيدەنتى ماۋريسيو سۇلەيمان گولوۆكيننىڭ بارلىق قارسىلاسى بۇعاتتالعانىن ايتتى.

 Marca باسىلىمىنا بەرگەن سۇحباتىندا ورتا سالماقتاعى WBC، WBA (Super ) ، IBF جانە IBO الەم چەمپيونى گەننادي گولوۆكينگە قولداۋ ءبىلدىردى، دەپ حابارلايدى اگەنتتىگى Vesti.kz سايتى.

باستاپقىدا 5 - مامىردا گولوۆكين لاس- ۆەگاستاعى T- Mobile ارەناسىندا ساۋل «كانەلو» الۆارەسكە قارسى جەكپە- جەك جوسپارلاعان بولاتىن. ءبىراق مەكسيكالىق بوكسشى ەكى دوپينگتىك سىناقتان وتە الماعاننان جانە نيەۆادا اتلەتيكالىق كوميسسياسىنىڭ (NSAC) شەشىمىمەن ۋاقىتشا بوساتىلۋىنان كەيىن جۇدىرىقتاسۋدان باس تارتتى.

سودان كەيىن گولوۆكيننىڭ كومانداسى 21 جاستاعى مەكسيكالىق حايمە مۋنگۋيەيمەن (28-0, 24 كو) جەكپە- جەك ۇيىمداستىرۋعا تىرىستى، ءبىراق ونىڭ كانديداتۋراسىن NSAC قابىلدامادى. كەيىنىرەك لوس- اندجەلەس ايماعىنداعى جەكپە- جەك اۋىستىرىلىپ، قارسىلاس رەتىندە امەريكالىق ۆانەس مارتيروسيان (36-3-1, 23 كو) تاڭدالعانى تۋرالى اقپارات شىقتى. ءبىراق WBA، WBC جانە كاليفورنيا شتاتىنىڭ اتلەتيكالىق كوميسسياسى رۇقسات بەرگەنىمەن IBF كەدەرگى كەلتىردى.

2019 -جىلى گولوۆكين- كانەلونىڭ جەكپە- جەگى تۋرالى سۇراققا جاۋاپ بەرگەن سۇلەيمان، بۇل 18 - ساۋىردەگى NSAC شەشىمىنە بايلانىستى بولاتىندىعىن ايتتى.

ونىڭ ايتۋىنشا، «بارلىق قارسىلاسى بۇعاتتالعان» گولوۆكيندى WBC ءسوزسىز قولدايدى. كوميسسيالار، پروموۋتەرلەر، تەلەديدار جانە بوكستان الەمنىڭ باسقا دا ۇيىمدارى ونىڭ رينگكە شىعۋىنا كەدەرگى كەلتىرىپ جاتىر.

Baq.kz