اقتاۋدا ەرەكشە كوشە شامدارى ورناتىلماق

 اقتاۋ. قازاقپارات - اقتاۋدان اۋەجايعا باراتىن ورتالىق جولعا ەرەكشە بەزەندىرىلگەن باعانالار ورناتىلماق، دەپ حابارلايدى قازاقپارات.

قالا اكىمى عالىمجان نيازوۆتىڭ ايتۋىنشا، ورناتىلاتىن جاڭا شامدار كەشكە قاراي ءار ءتۇرلى تۇسكە وزگەرەدى.

«ماڭعىستاۋعا كەلەتىن قوناقتار مەن تۋريستەر وسى جولمەن وتەدى. قالادان سىرتقا شىعاتىندار دا وسى جولدان كەتەدى. تەك جارىق شامدار عانا ەمەس، جولدىڭ بويىنداعى اينالمانى دا بەزەندىرىپ، وزگەرتۋ كەرەك. ناقتى ۇسىنىستى ەنگىزىڭىزدەر» ، - دەدى وبلىس اكىمى ەرالى توعجانوۆ.

 ايماق باسشىسى قالا اكىمىنە جاڭا جوبالارعا بىلىكتى ديزاينەرلەردى قاتىستىرىپ، دايىنداپ اكەلۋگە 1 اپتا ۋاقىت بەردى.

 سونداي- اق، قالا ىشىندەگى 18,5 شاقىرىمدى قۇرايتىن جولعا كۇن ساۋلەلەرى ارقىلى جۇمىس جاسايتىن جارىقتاندىرۋدىڭ جاڭا ۇلگىسىن ورناتىلادى. نەگىزگى ارىپتەس قىتاي كومپانياسى. زاماناۋي جارىق ديودتى شامدار ەنەرگيانى %70 عا ۇنەمدەيدى. تاڭەرتەڭ اۆتوماتتى تۇردە ءوشىپ، كۇن باتقاندا ءوزى قوسىلادى. جوبا مەملەكەتتىك- جەكەشەلىك ارىپتەستىك اياسىندا ىسكە اسادى.

 ايتا كەتەيىك، اقتاۋ- اۋەجاي باعىتىنداعى جولدىڭ ۇزىندىعى 20 شاقىرىم. وعان 711 باعانا قويىلماق.