افريكادا ارىستاندار ۋلانۋدان جاپپاي قىرىلدى

استانا. قازاقپارات - ۋگانداداعى كوروليەۆا ەليزاۆەتا ۇلتتىق باعىندا 11 ءولى ارىستان تابىلدى، دەپ حابارلايدى Euronews.

ۋگاندا تابيعاتتى قورعاۋ مەملەكەتتىك ورگاندارىنىڭ ايتۋىنشا، جىرتقىشتار ءۇي جانۋارلارىنا شابۋىلداعاننان كەيىن ۋلانعان. ۋگاندا جابايى تابيعاتتى قورعاۋ باسقارماسىنىڭ رەسمي وكىلى گەسسا سيمپليشەستىڭ ايتۋىنشا، وقىس وقيعا ەلدىڭ تۋريزم سالاسىنا كوپ شىعىن اكەلەدى.

«ارىستانداردىڭ وعان دەيىن دەنى ساۋ ەدى. ولاردى سول ماڭايداعى جەرگىلىكتى تۇرعىندار ۋلاپ ولتىرگەن بولۋى مۇمكىن»، - دەيدى ول.

باسقارما ءبىرازدان بەرى باقتىڭ ىشىندە ورنالاسقان اۋىلداردى كوشىرۋ قاجەتتىگىن ايتىپ كەلەدى.

ۋگاندا ءبىر اي ىلگەرى ب ۇ ۇ- نىڭ بۇكىلالەمدىك جابايى تابيعات كۇنىن اتاپ وتكەن بولاتىن. ونىڭ اياسىندا مىسىق تۇقىمداستارىنىڭ وكىلدەرىن قورعاۋ ماسەلەلەرى تالقىلاندى.

كوروليەۆا ەليزاۆەتا ۇلتتىق باعىندا 200-گە جۋىق ارىستان بار.

اۆتور: نۇرلان تۇياقوۆ