سيرياداعى جاعداي: رەسەي ب ۇ ۇ قاۋىپسىزدىك كەڭەسىنىڭ شۇعىل وتىرىسىن شاقىرادى

استانا. قازاقپارات - رەسەي ا ق ش جانە ونىڭ وداقتاستارىنىڭ اگرەسسياشىل قيمىلدارىن تالقىلاۋ ءۇشىن ب ۇ ۇ قاۋىپسىزدىك كەڭەسىنىڭ شۇعىل وتىرىسىن شاقىرادى. بۇل جايلى كرەملگە سىلتەمە جاساپ ت ا س س حابارلايدى.

«رەسەي ا ق ش جانە ونىڭ وداقتاستارىنىڭ اگرەسسياشىل قيمىلدارىن تالقىلاۋ ءۇشىن ب ۇ ۇ قاۋىپسىزدىك كەڭەسىنىڭ شۇعىل وتىرىسىن شاقىرادى»، - دەپ مالىمدەدى ر ف پرەزيدەنتى ۆلاديمير پۋتين.

رەسەي پرەزيدەنتى ماسكەۋ سيرياعا جاسالعان شابۋىلعا قاتتى الاڭداپ وتىرعانىن ايتتى.

بۇعان دەيىن ا ق ش پرەزيدەنتى دونالد ترامپتىڭ بۇيرىعىمەن سيرياعا اۋەدەن زىمىرانمەن سوققى جاسالعانى حابارلانعان. ا ق ش، فرانسيا جانە ۇلى بريتانيا سيريا پرەزيدەنتى باشار اسادتى حيميالىق قارۋدى پايدالاندى دەپ ايىپتاپ وتىر، ال باسادتىڭ ءوزى دۋما قالاسىندا حيميالىق قارۋدىڭ قولدانىلعانىن جوققا شىعارۋمەن كەلەدى.

ب ۇ ۇ باس حاتشىسى انتونيۋ گۋتەرريش ا ق ش، فرانسيا جانە ۇلى بريتانيا تاراپىنان سيرياعا بەرىلگەن اۋە سوققىلارى تۋرالى مالىمدەمە جاساپ، قاۋىپسىزدىك كەڭەسىنە مۇشە مەملەكەتتەردى بىرىگۋگە، ءوز مىندەتتەمەلەرىن ورىنداۋعا، سيريا حالقىنىڭ قاسىرەتىن ودان بەتەر اۋىرلاتۋى مۇمكىن ارەكەتتەر جاساماۋعا شاقىردى.

فوتو: tass.ru