قازاقستاندىق رەجيسسەر كانن كينوفەستيۆالىنە قاتىسادى

استانا. قازاقپارات - قازاقستاندىق جاس كينورەجيسسەر ءداستۇرلى كانن كينوفەستيۆالىنە شاقىرتۋ الدى. ونىڭ «مەزگىل سوڭى» اتتى قىسقامەتراجدى تۇڭعىش تۋىندىسىن سىنشىلار جوعارى باعالاپ، سىنعا تۇسەتىن كينو- تۋىندىلار تىزىمىنە ەنگەن.

بۇل فيلم جەتىسۋدىڭ شۇرايلى جەرىنىڭ ءبىرى قارادالا ايماعىندا نەبارى ءبىر جەتىدە تۇسىرىلگەن. جانات الشانوۆانىڭ نەگىزگى ماماندىعى -  ماركەتولوگ. كينو ونەرىنە كەلمەس بۇرىن ول بىرنەشە كومپانيادا جۇمىس ىستەگەن. ال ءۇش جىل بۇرىن ءوز قابىلەتىن كينوماتوگرافيا سالاسىندا سىناپ كورگىسى كەلىپتى. ءسويتىپ لوندونداعى كينومەكتەپكە وقۋعا تۇسەدى. وعان دەيىن جاننات ەرمەك تۇرسىنوۆتىڭ «جات» اتتى فيلمىندە جانە «ماركو پولو» تەلەحيكاياسىندا ءبىراز تاجىريبە جيناعان.

جاننات الشانوۆا، «مەزگىل سوڭى» فيلمىنىڭ رەجيسسەرى:

-  بۇل فيلم 50 جاستاعى ايەلدىڭ تاعدىرى جايىندا. ول جاپان دالاداعى كۇيەۋىنىڭ قوناقۇيىنىڭ ەسىگىنە قۇلپى ورناتۋعا بارادى. الايدا ۇيگە كىرگەن سوڭ وزىنە كۇتپەگەن جاڭالىق اشادى. وعان كەزدەسكەن بەيتانىس جان ونىڭ ومىرگە دەگەن كوزقاراسىن وزگەرتەدى.

جاننات بۇل كينونى باستان- اياق ءوزى جاساپ شىققانىن ايتادى. سسەناريىن جازعان دا، رەجيسسەرى دە، پروديۋسەرى دە ءبىر ءوزى. فيلمدەگى باستى ءرولدى رەسەيلىك اكتريسا -  روزا حايرۋللينا وينايدى. ماماندار پىكىرىنشە، ءساتتى شىققان فيلم وسى جانرداعى ۇزدىك 17 جۇمىس قاتارىنا ەنگەن.

جاننات الشانوۆا، «مەزگىل سوڭى» فيلمىنىڭ رەجيسسەرى -  ارينە، قۋانىشتىمىن. بۇل تەك مەنىڭ عانا جەتىستىگىم ەمەس. بۇل -  ەلىمىزدەگى جاس كينورەجيسسەرلەر مەن كينو سالاسىندا جۇرگەن جالپى جاستارعا ايتارلىقتاي دەمەۋ. شىعارماشىلىقتى ودان ارى شىڭداپ، جاقسى كينولار تۇسىرۋگە جىگەرلەندىرەدى.

قازىر جاننات حالىقارالىق كومپانيامەن ارىپتەستىك قارىم- قاتىناس ورناتقان. ەندى ول كەلەر جىلى تۇركيادا تاعى ءبىر قىسقامەتراجدى كينو ءتۇسىرۋدى جوسپارلاپ وتىر.

www.24.kz