تۇركيادا حالىقارالىق بالالار فەستيۆالى وتەدى

استانا. قازاقپارات - تۇركياداعى بۋرسا پروۆينتسياسىندا 40- حالىقارالىق بالالار فەستيۆالى وتەدى، دەپ حابارلايدى انادولى اگەنتتىگى.

وعان 40 ەلدىڭ بالالارى قاتىسادى. 23 - ساۋىردە وتەتىن وسى شارا 1979 -جىلدان بەرى تۇركيا تەلەراديوكومپانياسىنىڭ حالىقارالىق دەڭگەيدە ۇيىمداستىراتىن بىرەگەي بالالار مەرەكەسى.

فەستيۆال الەمنىڭ ءتۇرلى ەلدەرىندەگى بالالاردى دوستاستىرۋعا ىقپال ەتەدى. فەستيۆالدىڭ اشىلۋ سالتاناتى تۇركيا پرەزيدەنتى رەجەپ تايىپ ەردوعاننىڭ دەمەۋىمەن انكاراداعى پرەزيدەنت كەشەنىندە وتەدى.

شاراعا قاتىسۋشىلار بۇل قالادا بىرنەشە كۇن بولىپ، كەيىن بۋرساعا اتتانادى.

23 - ءساۋىر ۇلتتىق سۋۆەرەنيتەت جانە بالالار كۇنى - تۇركيانىڭ ۇلتتىق مەرەكەسى.

تۇرىك رەسپۋبليكاسىنىڭ نەگىزىن قالاۋشى مۇستافا كەمال اتاتۇرىك بالالارعا سىيلاعان وسى كۇندە جىل سايىن ءتۇرلى شارالار ءوتىپ جاتادى.

فوتو: aa.com.tr