اتىراۋدا ەشكى سۇتىنەن بالمۇزداق شىعارىلماق
بۇل تۋرالى primeminister.kz حابارلايدى.
ماحامبەت اۋدانىنىڭ سارايشىق اۋىلىنداعى مال شارۋاشىلىعى كەشەنىن تەكسەرۋ بارىسىندا باقىتجان ساعىنتايەۆقا وڭىردە اگروونەركاسىپ كەشەنىن دامىتۋدىڭ مەملەكەتتىك باعدارلاماسىن جۇزەگە اسىرۋ بارىسى تۋرالى باياندالدى. 2017 -جىلى وبلىستىڭ اۋىل شارۋاشىلىعى جالپى ءونىمىنىڭ كولەمى 62,7 ميلليارد تەڭگەنى قۇرادى، 2018 -جىلدىڭ قاڭتار- اقپان ايلارىنداعى ءوسىم وتكەن جىلدىڭ سايكەس كەزەڭىمەن سالىستىرعاندا 1,5 پايىزدى قۇرادى.
«سارايشىق» اسىل تۇقىمدى مال شارۋاشىلىعىنىڭ ۇلكەن وتار قويى، ۇلكەن تابىن تۇيەسى مەن جىلقىلارى جانە ەت وڭدەۋ سەحى بار. سونىمەن قاتار اۋىل شارۋاشىلىعى كاسىپورنىنىڭ نەگىزگى باعىتى - زاانەن اسىل تۇقىمدى ەشكىلەرىن ءوسىرۋ ( الەمدەگى ەڭ ءسۇتتى ەشكى تۇقىمى) جانە ەشكى ءسۇتىن ءوندىرۋ. مۇندا قولدانىلاتىن يتاليالىق جانە سەربيالىق جابدىقتار جىلىنا 180 توننا ەشكى ءسۇتى مەن 140 توننا ءسۇت ونىمدەرىن شىعارۋعا مۇمكىندىك بەرەدى.
فەرما ديرەكتورى ۆ. روزمەتوۆتىڭ ايتۋىنشا، كەڭەيتۋ اياسىندا 450 اسىل تۇقىمدى ەشكى اكەلىندى، بۇگىنگى تاڭدا 300 باس مال ءتولى جينالدى. ءبىرىنشى كەزەڭدە 81 ت پاستەرلەنگەن ءسۇت، 21,6 ت يوگۋرت، اسسورتيمەنتتەگى 15,3 ت ىرىمشىك جانە 4 ت ەشكى ەتىن شىعارۋ جوسپارلانعان.
سونداي- اق، فەرمادا انا ءسۇتىنىڭ پايداسىنان كەم تۇسپەيتىن بالالار تاماعىن شىعارۋ جوسپاردا بار. جاقىن ارادا ەشكى سۇتىنەن بالمۇزداق پەن ماي شىعارىلاتىن بولادى.
قازاقستاندا وسى ۇلگىدەگى جوبا العاش رەت جۇزەگە اسىرىلۋدا. ۇدەمەلى يندۋستريالدى- يننوۆاتسيالىق دامۋ مەملەكەتتىك باعدارلاماسىنىڭ قولداۋىمەن قۇرىلعان شارۋاشىلىق بۇگىندە جەڭىلدىكتى نەسيەنىڭ باسىم بولىگىن وتەگەن.
ايتا كەتۋ كەرەك، ەلىمىزدەگى اۋىل شارۋاشىلىعى كاسىپورنىنىڭ دامۋىنا پرەزيدەنتتىڭ بەس الەۋمەتتىك باستاماسىنىڭ ءتورتىنشى باعىتىن جۇزەگە اسىرۋ ناتيجەلەرى ۇلكەن ىقپالىن تيگىزەدى. 2018 -جىلى جاپپاي كاسىپكەرلىكتى دامىتۋ ءۇشىن جەڭىلدىكتى نەسيە بەرۋدى ۇلعايتۋ ماقساتىندا قوسىمشا 20 ميلليارد تەڭگە ءبولىندى، وسىلايشا شاعىن نەسيە بەرۋدىڭ جالپى سوماسى 62 ميلليارد تەڭگەنى قۇرايدى.
