ۇلتى قازاق بوكسشى قىتاي چەمپيوناتىندا توپ جاردى
قىتايلىق «جەنمين جيباو» باسىلىمىنىڭ حابارلاۋىنشا، بۇل دودادا بوكستان شىنجاڭ ولكەسى ەرلەر قۇراماسى 8 مەدال ەنشىلەپ (2 التىن، 1 كۇمىس، 5 قولا)، توپتىق ەسەپتە 1-ورىننان كورىندى.
75 ك گ سالماقتا سىنعا تۇسكەن توقتاربەك تاڭاتحان ۇلى اقتىق سىندا انحوي پروۆينتسياسى اتىنان سىنعا تۇسكەن حۋان يانحۋيدى تىزە بۇكتىرىپ، ءوز سالماعىنىڭ چەمپيونى اتاندى. سونداي- اق، ول 2018 -جىلى يندونەزيانىڭ استاناسى دجاكارتادا وتەتىن جازعى ازيا ويىندارىنا جولداما الدى.
ايتا كەتەيىك، توقتاربەك تاڭاتحان ۇلى وتكەن جىلى XIII كەزەكتى جازعى جالپى قىتاي سپارتاكياداسىندا تورەشىلەردىڭ ادىلەتسىز شەشىمىمەن كۇمىس مەدال ەنشىلەگەنى تۋرالى جازعان بولاتىنبىز. سونداي- اق، 2018 -جىلى قاڭتار ايىندا قانداسىمىز 2017 -جىلعى قىتايدىڭ «بوكس كورولى» چەمپيوناتىندا قارسىلاس شاق كەلتىرمەي، «كورول» چەمپيوندىق بەلدىگىن جەڭىپ العان بولاتىن.
اۆتور: مۇحتار قاليموللا ۇلى
