باۋىرجان قاراعىز ۇلى جازۋشىلار وداعىنىڭ استانا فيليالىنىڭ ديرەكتورى بولىپ تاعايىندالدى
ق ر جازۋشىلار وداعىنىڭ ءتوراعاسى ۇلىقبەك ەسداۋلەت ارنايى تانىستىرىپ، جاڭاشىل جىرلارىمەن ەرتە تانىلعان اقىننىڭ الدا اتقارار جۇمىسىنىڭ كوپ ەكەندىگىن، ول بۇعان دەيىن «ادەبيەت پورتالىن» باسقارۋ كەزىندە ادەبي ومىرىمىزگە تىڭ سەرپىن بەرگەن جوبالاردى جۇزەگە اسىرعانىن ايتا كەلىپ، جۇمىسىنا ساتتىلىك تىلەدى.
باۋىرجان قاراعىز ۇلى (1982 -جىل، 17- قازاندا دۇنيەگە كەلگەن) - قازاقتىڭ تالانتتى اقىنى، كوپتەگەن حالىقارالىق، رەسپۋبليكالىق، وبلىستىق، قالالىق ادەبي كونكۋرستاردىڭ جەڭىمپازى. قازاقستان رەسپۋبليكاسى پرەزيدەنتى نۇرسۇلتان ءابىش ۇلى نازاربايەتىڭ جانە يۋنەسكو- نىڭ قولداۋىمەن وتكەن حالىقارالىق «شابىت» شىعارماشىل جاستار فەستيۆالىنىڭ ەكى مارتە لاۋرەاتى جانە گران- پري جۇلدەسىنىڭ يەگەرى (2006-2008 ج.).
«الەمگە ايگىلى - استانا» اتتى جىر ءمۇشايراسىنىڭ گران- پري جۇلدەسىنىڭ يەگەرى (2010 ج.). سەيدوللا بايتەرەكوۆ اتىنداعى ارنايى سىيلىقتىڭ يەگەرى. قازاقستان مۇسىلماندارى ءدىني باسقارماسى ۇيىمداستىرعان ءدىني ولەڭدەر ءمۇشايراسىندا ەكى رەت لاۋرەات اتانىپ، «ۇمرا» قاجىلىققا ەكى رەت جولداما العان (2010 ج.). دۇنيەجۇزىلىك قازاقتاردىڭ 4 - قۇرىلتايى اياسىندا وتكەن جاستاردىڭ حالىقارالىق «جىرىم ساعان، اتاجۇرت!» جىر ءمۇشايراسىنىڭ گران- پري جۇلدەسىنىڭ يەگەرى اتانعان (2011 ج.).
قازاقستان رەسپۋبليكاسىنىڭ ەلورداسى - استانا قالاسىنا سىڭىرگەن ەڭبەگى مەن ۇزدىك اقىندىعى ءۇشىن «پاتريوت» مەدالىن يەلەنگەن. (2011 ج.). ق ر تاۋەلسىزدىگىنىڭ 20 جىلدىعى قارساڭىندا وتكەن «قازاق ەلى، ءبىر اۋىز ءسوزىم ساعان» اتتى 1 - رەسپۋبليكالىق ماعجان ونەر فەستيۆالىنىڭ لاۋرەاتى جانە جەڭىمپازى (2011 ج.). «تابىستى قازاقستاندىق - 2012» اقمولا وبلىستىق جاستار بايقاۋىندا «جاس دارىن» سىيلىعىنىڭ يەگەرى (2012 ج.) اقىن- يمپروۆيزاتور ءيمانجۇسىپ قۇتپان ۇلىنىڭ 150 جىل تولۋىنا وراي وتكەن ادەبي بايقاۋدىڭ جەڭىمپازى. قازاقستان رەسپۋبليكاسى مەملەكەتتىك سەپەنديانىڭ يەگەرى.
2014 جىلى توپتاما ولەڭدەرى قازاقستان رەسپۋبليكاسى مادەنيەت جانە اقپارات مينيسترلىگىنىڭ تاپسىرىسى بويىنشا جارىق كورگەن «جاس تولقىن»، «قازاقستان اقىندار انتولوگياسى» ت. ب. سياقتى جىر جيناقتارعا ەنگەن. سونداي- اق، « قىزىلجاردان ەسكەن لەپ»، «شىنعا شىققىم كەلەدى»، «ايدىننان ۇشقان اققۋلار»، «جەڭىمپاز جاس اقىن- جازۋشىلار انتولوگياسى»، «كوكشەتاۋ جاس اقىندار انتولوگياسى» اتتى ۇجىمدىق جىر كىتاپتارعا ەنگەن.
«جۇمباقتاسقا جاۋعان كۇز»، «ءوڭ مەن ءتۇس». «جۇرەك كىتابى»، «توپىرىق دەمى» (قىرعىز تىلىندە) اتتى جىر- كىتاپتارىنىڭ اۆتورى. رەسپۋبليكالىق «الاش ءۇنى» گازەتىندە ءتىلشى (2003-2004 ج. )، ەلوردالىق «استانا» جۋرنالىندا تىلشىلەر قوسىنىنىڭ جەتەكشىسى، جاۋاپتى حاتشى، باس رەداكتوردىڭ ورىنباسارى (2005-2008 ج.)، قازاقستان رەسپۋبليكاسىنىڭ ۇلتتىق اكادەميالىق كىتاپحاناسىندا رەداكسيالىق ءبولىمنىڭ رەداكتورى جانە «كىتاپ پاتشالىعى» جۋرنالىنىڭ باس رەداكتورىنىڭ ورىنباسارى (2008-2011 ج ج.). كوكشەتاۋ قالاسىنداعى «اقپاراتتىق كىتاپحانا جۇيەسى» مەملەكەتتىك مەكەمەسىندە ديرەكتور (2011-2013ج ج.) «ادەبيەت پورتالى» ينتەرنەت- جوباسىنىڭ جەتەكشىسى بولعان. ۇيلەنگەن. ءۇش بالا تاربيەلەپ وتىرعان اكە.
adebiportal.kz
