14:13, 13 - ءساۋىر 2018 | GMT +5
نۇرلان ەسپانوۆقا اينىتپاي پاروديا جاساعان جىگىت جۇرتتى كۇلدىردى - ۆيدەو
استانا. قازاقپارات - پاروديست، شوۋمەن اسقار كومەكبايەۆ تانىمال ءانشى نۇرلان ەسپانوۆقا پاروديا جاساپ، جۇرتتى كۇلدىردى.
ونەر يەسى سىرتقى كەلبەتىن ەسپانوۆقا ۇقساتىپ قانا قويماي، كومپوزيتوردىڭ سويلەۋ مانەرى مەن داۋسىن اينىتپاي كەلتىرگەن، دەپ حابارلايدى Stan.kz اقپاراتتىق اگەنتتىگى.
نۇرلان ەسپانوۆ قاشاندا ك ت ا ويىنشىلارى مەن پاروديستەرگە تاپتىرماس مىسال. ازىلكەشتەر اسىرەسە، ەسپانوۆقا پاروديا جاساعاندى جاقسى كورەدى. سەبەبى ونەر يەسىنىڭ وزىنە عانا ءتان سويلەۋ مانەرى، قىلىقتارى كوپكە تانىس. بۇل جايتتى ەسپانوۆتىڭ ءوزى اقكوڭىلدىلىگىمەن بايلانىستىرادى.
مۋزىكانتتىڭ جايدارى مىنەزىن پايدالانىپ، پاروديا جاساعانداردىڭ ءبىرى - اسقار كومەكبايەۆ. اسقاردىڭ ونەرى جەلى قولدانۋشىلارىمەن بىرگە، ەسپانوۆتىڭ وزىنە دە ۇناپ قالدى. ول اتالعان ۆيدەونى ءوزىنىڭ Instagram-داعى پاراقشاسىنا جۇكتەپ قويدى.
@askar_komekbaev Маған Пародия !
