عاشىقتار كۇنى قارساڭىندا قازاقستاندىقتار ينتەرنەتتە نە ىزدەيدى؟
وسى ورايدا ياندەكس عاشىقتار كۇنى قارساڭىندا قازاقستاندىقتاردىڭ قاي باعىتتاردا تاقىرىپتىق ىزدەۋ جاسايتىنىن زەرتتەپ كوردى، دەپ حابارلايدى قازاقپارات.
ەل تۇرعىندارى كوبىنەسە سيۆي ماحمۋدي مەن ايداربەكا رىسبەكتىڭ ورىنداۋىنداعى «قوزى كورپەش - بايان سۇلۋ» ءانى تۋرالى سۇرايدى ەكەن.
سونىمەن قاتار بۇل تاقىرىپتاعى ەپوستىڭ ءوزى بويىنشا ياندەكستەن پوەمانىڭ ءماتىنى مەن تولىق نۇسقاسىنا كوپ قىزىعۋشىلىق بار. كەيبىرەۋلەر اتاۋلى كۇننىڭ داتاسىن ناقتىلاپ، تۇسىرىلگەن فيلمدى كورۋگە سۇرانىس جاسايدى.
كوبىسى حالىقتىڭ وسى ليرو-ەپوستىق جىرى بويىنشا ناقتى مالىمەتتەردى، قوزى كورپەشكە قاتىستى شەجىرەنى ىزدەيدى.
سونىمەن قاتار، جەلى پايدالانۋشىلارى باس كەيىپكەرلەردىڭ باسقا دا ەسىمدەرىن ىزدەۋگە تىرىسادى.
ايتا كەتسەك، 15- ءساۋىر كۇنى ەلىمىزدىڭ جاستارى «قوزى كورپەش - بايان سۇلۋ»، ياعني «عاشىقتار كۇنىن» اتاپ ءوتۋدى ادەتكە اينالدىرىپ كەلەدى.
