قازاق تىلىنە جاڭا عىلىمي تەرميندەر ەنگىزىلدى

استانا. قازاقپارات - قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازاربايەۆقا العاش رەت قازاق تىلىنە ەنگىزىلگەن عىلىمي تەرميندەر قامتىلعان جاڭا وقۋلىقتار ۇسىنىلدى.

بۇل تۋرالى Sputnik قازاقستان حابارلايدى.

مەملەكەت باسشىسىنا «جاڭا گۋمانيستىك ءبىلىم: قازاق تىلىندە 100 جاڭا وقۋ قۇرالى» جوباسى بويىنشا اۋدارىلعان العاشقى 18 كىتاپ پەن وقۋلىق ۇسىنىلدى.

«عىلىمي اۋدارما شەڭبەرىندە تەرمينولوگيا، ءسوزجاسام، ستيل جانە اۋدارما ساپاسىن انىقتايتىن باسقا دا اسپەكتىلەر مەن قاعيدالار انىقتالادى. ءۇش مىڭنان استام عىلىمي تەرميندەر مەن تۇجىرىمدار العاشقى 18 وقۋ قۇرالىنىڭ گلوسساريلەرى نەگىزىندە قۇرىلدى، ونىڭ ۇشتەن ءبىرى العاش رەت قولدانىسقا ەنەدى»، - دەلىنگەن حابارلامادا.

كىتاپتار الەۋمەتتانۋ، پسيحولوگيا، لينگۆيستيكا، ەكونوميكا، مەنەدجمەنت، كاسىپكەرلىك، ءدىنتانۋ، انتروپولوگيا، جۋرناليستيكا جانە باسقا سالالارداعى كەڭ اۋقىمدى عىلىمي ءبىلىمدى قامتيدى.

«ساراپشىلاردىڭ ايتۋىنشا، جاڭا وقۋلىقتار ەلىمىزدىڭ گۋمانيتارلىق ءبىلىمى مەن عىلىمىن دامىتۋعا، سونداي-اق ءتۇپنۇسقالىق تىلدەردەن قازاق تىلىنە اۋدارىلعان عىلىمي اۋدارما مەكتەبىن قالىپتاستىرۋعا ۇلەس قوسادى »، - دەلىنگەن حابارلامادا.

10000 دانا تارالىممەن شىعارىلعان كىتاپتار ءبىر ايدىڭ ىشىندە ەلىمىزدەگى ۋنيۆەرسيتەتتەر مەن كىتاپحانالارعا تەگىن جىبەرىلەدى. وقۋلىقتار 2018-2019 وقۋ جىلىنىڭ باسىندا وقۋ جوسپارلارىنا بىرىكتىرىلەدى دەپ كۇتىلۋدە. تەگىن تاراتۋ وقۋلىقتاردىڭ ەلەكتروندىق نۇسقالارىن الادى.