استانالىق ساياباقتا جاڭا اتتراكتسيون پايدا بولادى

استانا. قازاقپارات - استانا قالاسىنىڭ استانالىق ساياباعىندا وسى جازدا يتالياندىق «شولۋ شەڭبەرى» اتتراكتسيونى ورناتىلاتىن بولادى، دەپ حابارلايدى استانا قالاسى اكىمدىگىنىڭ رەسمي سايتى.

استانا قالاسىنىڭ 20 جىلدىق مەرەيتويى قارساڭىندا استانالىق ساياباقتا جاڭا اتتراكتسيون اشىلادى. بۇل ەكستريمالدى ەمەس وتباسىلىق اتتراكتسيون، جالپى كابينالار سانى 14، وتىراتىن ورىندار سانى 56 ادامعا ەسەپتەلگەن.

اتتراكتسيوننىڭ بيىكتىگى 22 مەتر، بۇل جەردەن جاعالاۋعا، تۇران داڭعىلىنا جانە ەسىل وزەنى ارقىلى وتەتىن جاڭا جاياۋ جۇرگىنشىلەر كوپىرىنە كوز سالۋعا بولادى.

اتتراكتسيوننىڭ ىسكە قوسىلۋى جانە اشىلۋى 2018-جىلدىڭ مامىر ايىنىڭ ءبىرىنشى جارتىسىنا جوسپارلانىپ وتىر، قازىرگى ۋاقىتتا مونتاجداۋ جۇمىستارى ءجۇرىپ جاتىر.

ايتا كەتەيىك، ەلىمىزدەگى ەڭ ۇلكەن «كولەسو وبوزرەنيا» اتتراكتسيونى دا ەلوردادا ورنالاسقان. ونىڭ بيىكتىگى 65 مەتر، سالماعى 270 تونناعا جەتەدى. ءار كابينانىڭ سىيىمدىلىعى - التى ادامعا دەيىن، جۇك كوتەرگىشتىگى - 600 كەلى.