اۆستراليا مەن قىتايدىڭ قارىم- قاتىناسى بۇزىلۋدا
وتكەن جىلدىڭ اقپانىندا تەرنبۋلل ۇكىمەتى بىرنەشە جاڭا زاڭ قابىلداعان. ونىڭ قاتارىندا اۆستراليا قاۋىپسىزدىگى مەن سايلاۋ ماسەلەسىنە قاتىستى قاتاڭ باقىلاۋ ورناتۋ زاڭى دا بار. شەتەلدىكتەردىڭ قۇقىعىن شەكتەگەن بۇل زاڭ قىتايمەن قارىم- قاتىناسىن بىردەن سۋىتتى.
«اۆستراليا مەن قىتاي اراسىنداعى قارىم- قاتىناس كۇن ساناپ ۋشىعىپ بارادى. ءبىزدىڭ ەلدىڭ ساياسي ءىس- شارالارىنا تەك اۆستراليالىقتاردىڭ ارالاسۋى زاڭدى نارسە، وعان قىتاي قول سۇعا المايدى» ، - دەدى تەرنبۋلل.
قىتاي اۆستراليانىڭ ءىرى ساۋدا ارىپتەسى، ءبىراق بىلتىرعى جىلدان بەرى ەكى مەملەكەت ساياسي سۇراقتار بويىنشا، ادام قۇقىقتارى ماسەلەسى جانە ا ق ش- پەن وداقتاسۋ تۋرالى شەشىمدەرىمەن كەلىسە الماي، داۋلاسۋدا. تەرنبۋلل قىتاي ءتوراعاسى شي جينپينمەن ۇنەمى حات الماسىپ تۇراتىنىن دا ايتتى.
ايتا كەتەرلىگى، وسى اپتادا اۆستراليا ب ا ق وكىلدەرى پەكين وڭتۇستىك تىنىق مۇحيتىنداعى ۆانۋاتۋ ارالىنىڭ ۇكىمەتىمەن بايلانىس ورناتىپ، كەلىسىمشارت جاساپ جاتقانىن حابارلاعان بولاتىن. ياعني، اۆستراليا جاعالاۋىنان 2500 شاقىرىم جەردە ورنالاسقان ارالعا قىتاي تۇراقتى اسكەري بازاسىن سالۋدى قولعا العان.
دەگەنمەن، ۆانۋاتۋ ارالى مەن قىتاي ۇكىمەتى بۇل اقپاراتتى بىردەن جوققا شىعاردى. ال قىتاي سىرتقى ىستەر مينيسترلىگىنىڭ باسپا ءسوز حاتشىسى گەنگ شۋان اۆستراليانى «داۋ تۋدىرۋشى» دەپ ايىپتادى.
«تىنىق مۇحيتىنداعى ارال مەملەكەتتەر وزگە ەلدەردىڭ ىقپالىنا ۇشىراپ ءومىر سۇرمەۋى ءتيىس. اۆستراليا ەشكىمنىڭ ىشكى ساياساتىنا قول سۇعا المايدى» ، - دەدى شۋان.
تەرنبۋلل بىلتىرعى جىلى ەنگىزگەن زاڭداردىڭ مازمۇنىنا توقتالدى. اۆستراليا ۇكىمەتىنىڭ شەشىمىمەن ەندى شەتەلدىكتەر اۆستراليالىقتار ءۇشىن ساياسي ماقساتتا قارجىلاي كومەك بەرە المايدى. اۆستراليا بيلىگى مەن سايلاۋ پروتسەستەرىنە شەتەلدىكتەر قاتىسقان جاعدايدا، قىلمىستىق جاۋاپكەرشىلىككە تارتىلادى.
بۇعان دەيىن پەكين- كانبەررا بيزنەسمەندەرىمەن تىعىز قاتىناس ورناتىپ، ەكى تاراپ ءۇشىن ءىرى قارجىلىق كومەك بىلدىرگەن سەناتور سەم دەستياري قىزمەتىنەن كەتتى.
تەرنبۋلل جاڭا زاڭنامالار بەلگىلى ءبىر ەلدى كوزدەمەيدى دەپ مالىمدەگەنىمەن، ەلدەگى ساراپشىلار بۇل زاڭداردى «انتي- قىتايلىق» دەپ اتادى.
«اۆستراليا سۋىق سوعىس ساياساتىن ۇستانعان ەمەس، سوندىقتان ەسكەرتۋ ايتقىزباي، قىتاي تاراپى جۇمىس ىستەۋگە دايىن ەكەندەرىن بىلدىرەدى دەگەن سەنىمدەمىز» ، - دەدى پرەمەر- مينيستر.
Baq.kz
