تۇراقتىلىقتى نىعايتۋ يمامدار جۇمىسىنىڭ ماڭىزدى بولىگى - قازاقستاننىڭ باس ءمۇفتيى

استانا. قازاقپارات - اتىراۋدا وبلىس اكىمى نۇرلان نوعايەۆ پەن قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي سەرىكباي قاجى ورازا جۇرتشىلىقپەن كەزدەستى، دەپ حابارلايدى قازاقپارات.

باس ءمۇفتي مەن وبلىس اكىمىنىڭ كەزدەسۋى بارىسىندا وڭىردەگى ءدىني احۋالعا، ەلىمىزدە بەيبىتشىلىك پەن بىرلىكتى قولداۋعا قاتىستى ءبىرقاتار ماسەلەلەر تالقىلاندى.

«كوپ كونفەسسيالى ەلىمىزدە حالقىمىز بىرلىك پەن ىنتىماقتاستىقتا ءومىر سۇرۋدە. بۇل - پرەزيدەنتىمىز نۇرسۇلتان نازاربايەۆتىڭ ەڭبەگى. الدىمىزدا ۇلكەن مىندەتتەر تۇر. ءسىزدىڭ باستامالارىڭىز بەن ىسكەرلىگىڭىز كوپۇلتتى ەلىمىزدە بەيبىتشىلىك پەن كەلىسىمدى نىعايتۋعا ۇلكەن ۇلەس قوسادى دەپ ۇمىتتەنەمىز. بۇگىنگى تاڭدا وڭىردەگى ءدىني احۋال تۇراقتى»، - دەدى نۇرلان نوعايەۆ.

باس ءمۇفتي ءوز سوزىندە ماڭعىستاۋ وبلىسىنا ساپارى جانە وڭىرىمىزگە ساپارى بارىسىندا قانداي باعدارلاما كوزدەلگەنى تۋرالى اڭگىمەلەدى. سودان سوڭ وبلىس اكىمى نۇرلان نوعايەۆ پەن باس ءمۇفتي سەرىكباي قاجى ورازا وبلىس جۇرتشىلىعىمەن كەزدەستى.

«ءبىز كوپۇلتتى، كوپ كونفەسسيالى ەلدە تۇرامىز. مەملەكەت باسشىسى نۇرسۇلتان نازاربايەۆ جۇرگىزىپ وتىرعان ساياسات ءاربىر قازاقستاندىقتىڭ قانداي ءدىندى ۇستاناتىنىنا قاراماستان، بەيبىتشىلىك پەن بىرلىكتە ءومىر سۇرۋىنە مۇمكىندىك بەرەدى. تۇراقتىلىق - بىرلىك كەپىلى. بۇل حالقىمىزدىڭ ءوز بولاشاعىن قالاۋىنا جاعداي جاسايدى. بۇگىنگى كۇنى وڭىردە ءتورت كونفەسسيانى بىلدىرەتىن 41 ءدىني بىرلەستىك بار. ءبىز ءدىني قىزمەتكەرلەردىڭ قالىپتى جۇمىس جاساۋى ءۇشىن بارلىق جاعدايلاردى جاساۋعا تىرىسامىز»، - دەدى نۇرلان نوعايەۆ.

باس ءمۇفتي اتىراۋ تۇرعىندارىنا جىلى قابىلداعاندارى ءۇشىن ريزاشىلىعىن ءبىلدىردى.

«تۇراقتىلىقتى نىعايتۋ جانە قازاقستاندىق قوعامدى رۋحاني اعارتۋ يمامداردىڭ جۇمىسىنىڭ ماڭىزدى بولىگى بولىپ تابىلادى»، - دەپ اتاپ ءوتتى ق م د ب ءتوراعاسى.