استانالىقتاردىڭ ۇيىندەگى سۋ جاسىل تۇسكە بويالۋى مۇمكىن
جاقسى ناتيجەگە قول جەتكىزۋ ءۇشىن تەكسەرىس وتكىزىلەتىن كۇندەرى جىلۋ جۇيەسىنىڭ كونتۋرىنا «ۋرانين- ا» ماركالى جاسىل تۇسكە بويالعان سۋ جىبەرىلەدى، دەپ حابارلايدى ەلوردا ينفو.
جىلۋمەن قامتاماسىز ەتۋ جۇيەسىنە تەكسەرىس جۇرگىزۋ تۋرالى «استانا- تەپلوترانزيت» ا ق باسقارما ءتوراعاسىنىڭ ءبىرىنشى ورىنباسارى سەرگەي گوليەۆ ايتتى.
«جاقسى ناتيجەگە قول جەتكىزۋ ءۇشىن تەكسەرىس كۇندەرى جىلۋ جەلىلەرى كونتۋرىنا ادام ورگانيزمىنە زيانسىز بولىپ تابىلاتىن «ۋرانين- ا» ماركالى جاسىل تۇسكە بويالعان سۋ جىبەرىلەدى. ول جىلۋ تراسسالارىنداعى جىلۋ تاراتۋداعى اقاۋلاردى، جۇمىس ىستەمەيتىن سۋجىلىتقىش نىساندارىن انىقتاپ، ولاردى قالپىنا كەلتىرۋ ءۇشىن قاجەتتى شارالاردى دەر كەزىندە قابىلداۋعا مۇمكىندىك بەرەدى» ، - دەدى گوليەۆ.
ونىڭ ايتۋىنشا ، «ۋرانين- ا» جىلۋمەن قامتاماسىز ەتۋ جۇيەسىندە پايدالانۋعا جانە اقاۋدىڭ ينديكەتورىن بوياۋعا رۇقسات ەتىلگەن. سىناما جۇرگىزۋ استانا قالاسىنىڭ تۇتىنۋشىلار قۇقىعىن قورعاۋ دەپارتامەنتىمەن كەلىسىلدى.
بوياعىشتى پايدالانۋ سۋقۇبىرى ارقىلى كەلەتىن سۋدىڭ ساپاسىنا اسەر ەتپەيدى. الايدا ول ۇيدەگى سۋدى جىلىتۋدىڭ اقاۋى بارىن بىلدىرەدى جانە تەحنيكالىق سۋ جىلىتۋ جۇيەسىنەن تۇرمىستىق قاجەتىلىك ءۇشىن ىستىق سۋعا تۇسەدى.
«ەگەر ىستىق سۋدىڭ كرانىنان جاسىل ءتۇستى سۋ اققانىن كورسەڭىز، باسقارۋشى كومپانياعا (پ ي ك) ، قىزمەت كورسەتەتىن ۇيىم مەن 109 بايلانىس ورتالىعىنا ا «استانا- تەپلوترانزيت» ا ق- نىڭ ديسپەتچەرلىك ورتالىعىنا حابارلاسۋ كەرەك. قىزمەت كورسەتەتىن ۇيىم مەن ءبىرىنشى كەزەكتە پيك- تەر سۋ جىلىتۋ قۇرالىن ءسوندىرۋ مەن جوندەۋگە قاجەتتى شارالاردى قابىلداۋى كەرەك» ، - دەدى «استانا- تەپلوترانزيت» ا ق باسقارما ءتوراعاسىنىڭ ءبىرىنشى ورىنباسارى.
