نۇرسۇلتان نازاربايەۆ يلحام اليەۆتى سايلاۋداعى جەڭىسىمەن قۇتتىقتادى
مەملەكەت باسشىسى قازاقستان حالقىنىڭ جانە جەكە ءوزىنىڭ اتىنان يلحام الييەۆتى ازەربايجان رەسپۋبليكاسى پرەزيدەنتىنىڭ سايلاۋىنداعى ايقىن جەڭىسىمەن قۇتتىقتادى.
«وتكەن سايلاۋداعى جەڭىسىڭىز ازاماتتاردىڭ ءال- اۋقاتىن ودان ءارى ارتتىرۋعا جانە مەملەكەتىڭىزدىڭ حالىقارالىق ارەناداعى بەدەلىن نىعايتۋعا باعىتتالعان ءسىزدىڭ ساياساتىڭىزعا ازەربايجان حالقىنىڭ كورسەتكەن جوعارى قولداۋىنىڭ دالەلى بولىپ سانالادى.
باۋىرلاس ازەربايجان ەلىنىڭ وركەندەۋى جولىنداعى جاۋاپتى قىزمەتىڭىزدە جاڭا تابىستارعا قول جەتكىزۋىڭىزگە جانە الداعى بارلىق جوسپارىڭىزدىڭ ءساتتى ىسكە اسىرىلۋىنا تىلەكتەسپىن.
قازاقستان مەن ازەربايجان اراسىنداعى بەرىك دوستىق پەن سەنىمگە نەگىزدەلگەن قارىم- قاتىناستاردى نىعايتۋعا زور ۇلەس قوسقانىڭىزدى دا اتاپ وتكىم كەلەدى.
ەكى ەل اراسىندا قالىپتاسقان ستراتەگيالىق ىنتىماقتاستىق حالىقتارىمىزدىڭ جارقىن بولاشاعى ءۇشىن ودان ءارى قارقىندى دامي بەرەتىنىنە كامىل سەنەمىن»، - دەلىنگەن جەدەلحاتتا.
سوڭىندا قازاقستان پرەزيدەنتى باۋىرلاس ازەربايجاننىڭ بۇكىل حالقىنا بەيبىتشىلىك پەن باق- بەرەكە تىلەدى.
