ءالپى تاۋلارىندا نەمىس ميللياردەرى حاۋب چەرۆين جوعالىپ كەتتى

استانا. قازاقپارات - يتاليانىڭ ءالپى تاۋلارىندا نەمىس ميللياردەرى كارل- ەريۆان حاۋب ىزدەستىرىلىپ جاتىر.

الەمدەگى ەڭ داۋلەتتى وتباسىلاردىڭ بىرىنەن شىققان حاۋب چەرۆين كۋرورتى اۋماعىندا شاڭعى تەۋىپ جۇرگەن كەزىندە جوعالىپ كەتكەن، دەپ حابارلايدى قازاقپارات ەuronews-كە سىلتەمە جاساپ.

ول سەنبى كۇنى تاڭەرتەڭ قوناقۇيدەن شىعىپ كەتكەن، ءبىراق كەشكىسىن شۆەيساريانىڭ شەكاراداعى سەرماتت كەنتىندە بەلگىلەنگەن كەزدەسۋگە بارماعان. ميللياردەردىڭ وتباسى ىزدەۋ وپەراتسياسىنا ءىرى سومادا اقشا بولگەنىن ءمالىم ەتتى، الايدا قۇتقارۋشىلاردىڭ جۇمىسىنا اۋا رايىنىڭ قولايسىزدىعى كەدەرگى كەلتىرۋدە.

كارل- ەريۆان حاۋب Tengelmann حولدينگىن باسقارادى. ونىڭ قاراماعىندا ءبىرقاتار ساۋدا جەلىلەرى، سونىڭ ىشىندە Obi مەن Plus بار.