مۇرنىن يت تىستەپ العان ايەل: جانۋار مەنىڭ ءومىرىمدى قۇتقاردى
دارىگەرلەر ەشتەڭە ەتپەيتىنىن ايتىپ، مۇرىنعا مۇز قويۋعا كەڭەس بەرگەن. الايدا ىسىك التى اي بويى قايتپاعاندىقتان، ايەل باسقا مامانداردىڭ كومەگىنە جۇگىنگەن.
بۇل تۋرالى اعىلشىن باسىلىمى The Sun-عا سىلتەپ Stan.kz اقپاراتتىق اگەنتتىگى حابارلايدى.
كوپ ۇزاماي دجەيننىڭ قاۋىپتى ۆەگەنەر گرانۋلەماتوز اۋرۋىنا شالدىققانى بەلگىلى بولدى. اتالعان دەرتتەن ادام ءولىپ كەتۋى مۇمكىن.
ايەل تاماقتىڭ ءدامىن سەزبەيتىن كۇيگە جەتكەن، سونداي- اق، ونىڭ مۇرىن تىندەرى بۇزىلا باستاعان.
«دياگنوزىم بەلگىلى بولعاندا دارىگەر: «يت ءسىزدىڭ ءومىرىڭىزدى قۇتقاردى» ، - دەدى» ، - دەپ ەسكە الادى ايەل.
وتادان كەيىن، دجەين ءوزىن فيزيكالىق تۇرعىدان عانا ەمەس، مورالدىق تۇرعىدان دا ناشار سەزىنە باستادى. سەبەبى كوشەدە كورگەن ادامدار ودان: «جول اپاتىنا ءتۇستىڭىز بە الدە كۇيەۋىڭىز ۇرىپ- سوقتى ما؟ » - دەپ سۇرايتىن بولعان.
دارىگەرلەر ايەلدىڭ مۇرنىن ساقتاپ قالۋ ءۇشىن ۇزاق ۋاقىت بويى كۇرەسكەن. الايدا اقىرىندا ونى الىپ تاستاۋدان باسقا امال قالماعان. ەندى مۇرىننىڭ ورنىندا قارا تەسىك تۇر. ال بۇل ارالىقتا كۇيەۋى دجەينگە بارىنشا قولداۋ كورسەتۋگە تىرىسقان.
«ءتىپتى، اياق- قولىڭدى كەسىپ تاستاسا دا، مەن سەنى جاقسى كورەتىن ەدىم» ، - دەگەن ەكەن كۇيەۋى دجەينگە.
بۇگىندە 48 جاستاعى ايەل مۇرىننىڭ ورنىنا پروتەز قويىپ العان. ونى شىنايى دەنە مۇشەسىنەن اجىراتۋ قيىن. ءتىپتى، جاز ايىنا ارنالعان، ازداپ «كۇنگە كۇيگەن» مۇرىن پروتەزى دە بار ەكەن. بريتاندىق ايەل مەديتسينانىڭ وسىنداي مۇمكىنشىلىك بەرىپ وتىرعانىنا ريزا. قازىرگى ۋاقىتتا ول تەك تۇشكىرۋگە قينالادى ەكەن. سەبەبى:
«تۇشكىرەتىن كەزدە مۇرنىمدى ۇستاپ تۇرۋىم كەرەك. ءبىر كۇنى كەشكى اس ۇستىندە بۇل تۋرالى ۇمىتىپ كەتىپپىن. تۇشكىرگەنىم سول ەدى، مۇرنىم ۇلىمنىڭ اياعىنىڭ ورتاسىنا ءتۇستى. بۇل دا قۋانىش پەن كۇلكىنىڭ ءبىر سەبەبىنە اينالدى» ، - دەيدى دجەين.
