عالىمدار جەر بەتىندە جانارتاۋلاردىڭ جاپپاي اتقىلايتىنىن ايتتى

استانا. قازاقپارات - كليماتولوگتار مەن جانارتاۋ بەلسەندىلىگىن زەرتتەۋمەن اينالىساتىن مامانداردىڭ ايتۋىنشا، جانارتاۋلاردىڭ جاپپاي اتقىلاۋى نەمەسە شامادان تىس بەلسەندىلىگى بەس مينۋت ىشىندە جەر شارىنىڭ ءبىر بولىگىن ءومىر سۇرۋگە جارامسىز ايماققا اينالدىرا الادى.

بۇل تۋرالى life.ru عا سىلتەپ Stan.kz اقپاراتتىق اگەنتتىگى حابارلايدى.

ماماندار مۇزدىقتاردىڭ ەرۋى مەن پلانەتاداعى جالپى تەمپەراتۋرانىڭ جوعارىلاۋى الداعى ون جىلدىقتا بارلىق جانارتاۋلاردىڭ اتقىلاۋىنا اكەپ سوعادى. عالىمداردىڭ پايىمداۋىنشا، تەمپەراتۋرانىڭ تومەندىگى جانە اركتيكالىق مۇزداردىڭ ەرۋى جاعدايدى تەك ۋشىقتىرا تۇسەدى.

ميلليونداعان جىلداردان بەرى مۇز جامىلعىسى قورشاعان ورتانى اتقىلاۋدان قورعاپ كەلگەن. الايدا ادامزات بالاسى ءوزىنىڭ ءىس- ارەكەتتەرىمەن جاھاندىق ءزىلزالانى جاقىنداتتى.

كليماتتىڭ وزگەرۋى ءتىپتى، بۇعان دەيىن گيپوتەزالىق بولىپ سانالىپ كەلگەن جانارتاۋلارعا دا اسەر ەتكەن. مىسالى، كاناداعا قاراستى بريتاندىق كولۋمبيا ايماعىندا ورنالاسقان ميدجەر جانارتاۋى. ول سوڭعى رەت وسىدان 2,5 مىڭ جىل بۇرىن اتقىلاعان بولۋى مۇمكىن.