11:43, 12 - ءساۋىر 2018 | GMT +5
پۋتين: الەمدى بەي-بەرەكەتسىزدىك جايلاپ بارادى
استانا. قازاقپارات - رەسەي پرەزيدەنتى ۆلاديمير پۋتين الەمدەگى گەوساياسي جاعدايدىڭ ۋشىعىپ بارا جاتقانىن جانە ول الاڭداۋشىلىق تۋعىزباي قويمايتىنىن مالىمدەدى.
«دەگەنمەن، ءبارىبىر تۇبىندە پاراساتتىلىق ۇستەمدىك قۇرادى، حالىقارالىق قاتىناستار كونسترۋكتيۆتى ارناسىنا تۇسەدى جانە الەمدىك جۇيە بۇرىنعىدان دا تۇراقتى ءارى بولجاۋعا بولاتىنداي قالىپقا كەلەدى دەپ ۇمىتتەنەمىز» دەدى پۋتين شەتەل ەلشىلەرىنىڭ وزىنە سەنىم گراموتاسىن تاپسىرۋ سالتاناتىندا.
11- ساۋىردە بۇدان بۇرىنىراق ا ق ش پرەزيدەنتى دونالد ترامپ رەسەيدى سيريانىڭ دۋما قالاسىنداعى ىقتيمال حيميالىق شابۋىلعا جاۋاپ رەتىندە زىمىران سوققىسىن بەرۋگە دايىن بولۋعا شاقىرىپ، سەس قىلعان. بولجام بويىنشا، سوققى بىرەر كۇندە جاسالۋى مۇمكىن. وسىعان بايلانىستى سيريانىڭ ۇكىمەت اسكەرى حمەيميمدەگى رەسەي اسكەري بازاسىنا كوشىرىلدى. سونىمەن قاتار، باشار اساد اسكەرىنىڭ باس شتابى دا ەۆاكۋاتسيالاندى.
«ازاتتىق»
