ەردوعان مۇنايعا باي مۇسىلمان ەلدەرىنە ۇندەۋ جولدادى

استانا. قازاقپارات - تۇركيا پرەزيدەنتى رەجەپ تاييپ ەردوعان بولسا، مۇنايعا باي يسلام ەلدەرىن زەكەت بەرىپ، قايىرىمدىلىق جاساۋعا شاقىرىپ وتىر.

 ونىڭ ايتۋىنشا، قارا التىننان تۇسكەن قوماقتى قارجىنىڭ ءبىر بولىگى كومەككە ءزارۋ، ءالجۋاز مەملەكەتتەرگە ۇلەستىرىلسە، وندا الەمدە كەدەيلەر بولماس ەدى. «ويتكەنى دۇنيەجۇزىندە بولىپ جاتقان داعدارىستاردىڭ نەگىزگى سەبەبى - تابىستىڭ ادىلەتسىز ءبولىنۋى»، - دەيدى.

 اتاپ ءوتۋ كەرەك، 2016 -جىلى تۇركيا گۋمانيتارلىق كومەككە 6 ميلليارد دوللار كولەمىندە قارجى جۇمساعان. وسىلايشا، الەمدەگى جومارت ەلدەر تىزىمىندە ا ق ش- تان كەيىنگى ەكىنشى ورىنعا جايعاستى.

رەجەپ تاييپ ەردوعان، تۇركيا رەسپۋبليكاسىنىڭ پرەزيدەنتى:

 - ەكونوميكالىق جاعىنان تۇركيادان بىرنەشە ەسە قۋاتتى مەملەكەتتەر بار. ەگەر ولار مۇقتاج ەلدەرگە كومەك قولىن سوزسا، دۇنيە جۇزىندەگى اشتىق پەن جوقشىلىقتىڭ الدىن الادى. مۇنايعا باي مۇسىلمان ەلدەرىنە ايتارىم بار. مۇنايدان تۇسكەن تابىستارىڭىزدىڭ زەكەتىن جاعدايى مۇشكىل ەلدەرگە تاراتساڭىزدار، وندا الەمدە كەدەي اتاۋلى بولمايدى. قازىر وسى ايتقاندارىم جاسالىپ جاتىر ما؟ وكىنىشكە وراي، جوق.

www.24.kz