ا ق ش- قىتاي ساۋدا تارتىسى اۋىل شارۋاشىلىعىن ەكسپورتتاۋشى ەلدەرگە پايدا اكەلەدى
قىتاي سىرتقى ىستەر ءمينيسترىنىڭ رەسمي وكىلى گەن شۋان وسىلاي دەپ مالىمدەدى.
كەشە بواودا باستالعان ازيالىق فورۋمدا شي جينپيڭ «ءبىز نارىقتىق ەكونوميكانىڭ اشىقتىعىن ارتتىرامىز. ينۆەستيتسيالىق كليماتتى جەتىلدىرىپ، زياتكەرلىك مەنشىك قۇقىعىن قورعاۋدى باقىلاۋعا الامىز»، - دەگەن بولاتىن. وسىدان سوڭ ىلە- شالا دونالد ترامپ تۆيتتەردەگى پاراقشاسىندا «قىتاي باسشىسىنىڭ جىلى سوزدەرىنە ريزامىن. ءبىز بىرلەسىپ ۇلكەن ناتيجەگە قول جەتكىزەمىز» دەپ جاريالادى.
الەم قاۋىمداستىعى «بۇدان اراداعى ساۋدا كەلىسپەۋشىلىگى رەتتەلەدى»، - دەپ ۇمىتتەنگەن. دەگەنمەن، قىتاي مەن ا ق ش- تىڭ قارجىلىق- ەكونوميكالىق ۆەدومستۆولارى ەشقانداي كەلىسسوز وتكىزبەگەن. وسى ماسەلەگە قاتىستى قىتاي سىرتقى ىستەر ءمينيسترىنىڭ وكىلى «ءدال قازىرگى جاعدايدا ديالوگ جۇرگىزۋ مۇمكىن ەمەس» - دەپ جاۋاپ قاتتى.
«ال ەكى الپاۋىت اراسىنداعى ساۋدا تارتىسى قىتايعا تاۋار شىعاراتىن مەملەكەتتەر ءۇشىن جاڭا مۇمكىندىكتەر اشادى»، - دەيدى بەيجىڭدەگى قارجىلىق زەرتتەۋ ينستيتۋتىنىڭ ساراپشىسى گۋان چجاو- يۋي. اسىرەسە اۋىل شارۋشىلىعى ونىمدەرىن ەكسپورتتاۋشى ەلدەرگە ءتيىمدى بولاتىنىن ايتادى.
ماسەلەن، بىلتىر قازاقستاننان قىتايعا جىبەرىلگەن ونىمدەر 34,3 پايىزعا وسكەن. سويا بۇرشاعىنىڭ ەكسپورتى العاش رەت 7,7 توننادان استى.
گۋان جاويۋي، قىتاي حالىق ۋنيۆەرسيتەتى قارجىلىق زەرتتەۋ ينستيتۋتىنىڭ ساراپشىسى:
- 2017 -جىلى قازاقستاننىڭ قىتايعا ەكسپورتتاعان اۋىل شارۋاشىلىعى ونىمدەرى ەداۋىر ارتتى. استىق، وسىمدىك مايىن تاسىمالداۋدىڭ كولەمى وسكەنىن بىلەمىز. قازىر ەكى مەملەكەت وسى سالاداعى بايلانىستى جىلدان جىلعا ارتتىرىپ كەلەدى. ارينە قىتايدىڭ نارىعى وتە ۇلكەن. سوندىقتان وعان تاۋار شىعاراتىن ەلدەر ءۇشىن بىزدە قاشان دا سۇرانىس بار. ا ق ش مەن قىتاي اراسىنداعى ساۋدا تەكەتىرەسى ءوز ونىمدەرىن ەكسپورتتايتىن مەملەكەتتەرگە جاڭا مۇمكىندىك اشادى.
www.24.kz
