20:10, 11 - ءساۋىر 2018 | GMT +5
موڭعوليادا جەمقورلىقپەن كۇرەس جىلى جاريالاندى
استانا. قازاقپارات - موڭعوليا پرەزيدەنتى حالتمااگين باتتۋلگا «جەمقورلىققا قارسى كۇرەس جانە جەمقورلىق كۋاگەرلەرى مەن مالىمدەۋشىلەرىن قورعاۋ جىلىن جاريالاۋ تۋرالى» جارلىق شىعاردى. بۇل تۋرالى قازاقپارات مونتسامە- گە سىلتەمە جاساپ حابارلايدى.
پرەزيدەنت اكىمشىلىگىنىڭ باسشىسى ز. ەنحبولد وسى جارلىقتىڭ كوشىرمەسىن جەمقورلىققا قارسى كۇرەس باسقارماسى جانىنداعى قوعامدىق كەڭەستىڭ ءتوراعاسى گ. بااسانعا تابىستادى.
ز. ەنحبولد قۇجاتتى تابىستاي وتىرىپ، ەلدەگى جەمقورلىق پەن بيلىكتى اسىرا پايدالانۋدىڭ ۇلتتىق قاۋىپسىزدىككە زيان كەلتىرگەنىن ەسكە سالدى. پرەزيدەنت ح. باتتۋلگا وسىعان بايلانىستى اتالمىش جارلىقتى شىعارعان.
فوتو: montsame.mn
