العاشقى حالىقارالىق تۇنگى اسپان قورىعى اشىلدى

 استانا. قازاقپارات - ورتالىق ايداحونىڭ ادەمى جۇلدىزدى تۇنىمەن ەرەكشەلەنەتىن الپاۋىت جەرى حالىقارالىق تۇنگى اسپان قورىعى مارتەبەسىنە يە بولدى.

حالىقارالىق Dark-Sky اسسوتسياتسياسى حالىقارالىق ۇيىمى ايداحو شتاتىندا  3600 شارشى كيلومەتر اۋماقتى قورىق ەتۋ شەشىمىن قابىلدادى. ولاردىڭ تاڭداۋىنا نەگىزگى سەبەپ بولعان ا ق ش- تاعى وسى ايماقتا ادامنىڭ وتە از قونىستانۋىنا وراي كەڭىستىكتىك لاستانۋعا ۇشىراماي، تازا ساقتالۋى. اتقارۋشى ديرەكتور دجوردج سكوتت فەيەرابەندتىڭ ايتۋىنشا، قازىرگى تاڭدا دامۋ قارقىنى جاعىنان الەم ەلدەرىن شاڭىنا جەتكىزبەيتىن قۇراما شتاتتاردا تازا تۇنگى اسپاندى كورۋ وتە قيىن. ارنايى ساراپتاما جۇمىستارىنىڭ ناتيجەسى سولتۇستىك امەريكانىڭ شامامەن 80 پايىزى اۋا لاستانۋى سالدارىنان تۇنگى اشىق اسپاندى تاماشالاۋ مۇمكىندىگىنەن ايىرىلعان.

ايداحوداعى تۇنگى اسپان قورىعى مەملەكەتتىڭ ەڭ شالعاي ايماقتارىن جانە نەگىزىنەن ا ق ش- تىڭ ورمان قىزمەتى باسقاراتىن جەردى قامتيدى. سونداي- اق، ونىڭ قۇرامىنا جابايى تابيعاتى ساقتالعان ۇلتتىق سوتۋت قورىعىنىڭ ايماعى ەندى. حالىقارالىق Dark-Sky اسسوتسياتسياسىنىڭ رەسمي باسپا ءسوز حابارلاماسىندا جاڭا قورىقتىڭ نەگىزگى ەرەكشەلىگى -  ونىڭ زەرتتەۋشىلەر ءۇشىن دە، قاراپايىم قوناقتار ءۇشىن دە سان ءتۇرلى مۇمكىندىكتەردىڭ بولۋى. كەلۋشىلەر جۇلدىزدى تۇنگى اسپاننىڭ كەرەمەت سۇلۋلىعىن كورىپ، قايتالانباس سەزىمگە بولەنەدى.

 

Massaget.kz