ءماجىلىس ءتوراعاسى نۇرلان نىعماتۋلين ۇلتتىق بانك ءتوراعاسىنىڭ جۇمىسىن سىنعا الدى
ماجىلىستە «ۆاليۋتالىق رەتتەۋ جانە ۆاليۋتالىق باقىلاۋ تۋرالى» زاڭ جوباسىن تالقىلاۋ بارىسىندا اقىشيەۆقا دەپۋتات گەننادي شيپوۆسكيح سۇراق قويعان بولاتىن.
«ەسىڭىزدە بولسا، ساقتاندىرۋ تۋرالى زاڭ جوباسىن قاراعاندا سىزگە ساقتاندىرۋ پوليسىنە قاتىستى سۇراق قويعانمىن. ءسىز سول اكتۋالدى ەسەپتەر قاجەت، جازباشا تۇردە جاۋاپ بەرەمىن دەگەنسىز. ال بۇگىنگى زاڭ جوباسىندا ساقتاندىرۋشىلار قوسىمشا شىعىن شىعاراتىنىن كورىپ وتىرمىن. بۇل ءبىزدىڭ حالىق ءۇشىن دە، بيزنەس ءۇشىن دە، ساقتاندىرۋشىلارعا دا اسەر ەتىپ، باعانى قىمباتتاتادى. ەندەشە زاڭ دايىنداۋداعى لوگيكاڭىزدى ءتۇسىندىرىپ بەرىڭىزشى. ءبىرىنشى جاعدايدا ۇسىنىسىمدى قارامادىڭىز. ەكىنشىدەن، بۇگىن وسى ساقتاندىرۋ نورمالارىن ەسەپ- قيساپسىز ەنگىزىپ وتىرسىز»، - دەدى دەپۋتات.
الايدا ماجىلىسمەن سۇراعىنا «ءسىزدىڭ سۇراعىڭىز بۇل زاڭنىڭ تۇجىرىمداماسىنا سايكەسپەيدى» دەپ جاۋاپ بەرگەن اقىشيەۆتىڭ ءسوزىن نۇرلان نىعماتۋلين ءبولدى.
«دانيار تالعات ۇلى! ءماجىلىس وتىرىسىنىڭ ءتوراعاسى بار. ءبىزدىڭ رەگلامەنت بويىنشا «ول سۇراققا جاتا ما، جاتپاي ما؟» وسىنى ءماجىلىس ءتوراعاسى باقىلاۋعا الادى. وعان باعا بەرمەي- اق قويىڭىز. تىكەلەي سۇراققا تىكەلەي جاۋاپ بەرىڭىز!»، - دەدى ول.
دانيار اقىشيەۆ ءوز جاۋابىندا ماسەلەنىڭ بۇگىنگى ۆاليۋتالىق رەتتەۋ تۋرالى زاڭعا قاتىسى جوق ەكەنىن، وندا ساقتاندىرۋ ۇيىمدارى تۋرالى نورمانىڭ دا جوقتىعىن ايتتى. دەپۋتاتتىڭ تاريف تۋرالى سۇراعىنا جاۋاپ بەرە وتىرىپ، ساقتاندىرۋ پوليسىن ۇزارتۋ تۋرالى ۇسىنىستى قاراۋعا ءازىر ەكەنىن ءبىلدىردى.
«بۇل ۇسىنىس قىزمەت تۇتىنۋشىلار ءۇشىن ساقتاندىرۋ ءپوليسىنىڭ قىمباتتاۋىنا اكەلەدى. بۇل ءسوزسىز. سوندىقتان، ءبىز شۇعىل شەشىم قابىلداي المايمىز. بۇنى قوعام دا قولداي قويمايدى»، - دەدى اقىشيەۆ جاۋابىندا.
الايدا نۇرلان نىعماتۋلين اقشىيەۆتىڭ ءسوزىن ءبولىپ، ۆاليۋتالىق باقىلاۋ ماسەلەلەرى بويىنشا بۇگىن قارالىپ جاتقان زاڭ جوباسىندا ساقتاندىرۋ ۇيىمدارىنا تالاپتى كۇشەيتۋ قاتىستى نورمانىڭ بارىن اتاپ كورسەتتى.
«ول (شيپوۆسكيح - اۆت. ) اۆتوكولىك يەلەرى تۋرالى سۇراقتى قويىپ وتىرعان جوق. ول سىزدە لوگيكانىڭ بار- جوقتىعى تۋرالى ايتتى. سىزگە ءتيىمدى كەزدە ەسەپ- قيساپقا سۇيەنىپ، جازباشا جاۋاپقا سىلتەيسىز. قازىر ۇلتتىق بانك ساقتاندىرۋ ۇيىمدارىنا تالاپتى كۇشەيتۋ تۋرالى نورمانى ۇسىنىپ وتىرعان كەزدە دەپۋتات «ەنگىزۋ كەرەك پە؟» دەسە، ءسىز «جوق» دەيسىز. مىنە، ول سوندىقتان سىزگە سۇراق قويىپ وتىر. ءسىز بۇگىن دايىن ەمەسسىز بە؟ بۇل وزگەرىستەر تۋرالى رەسمي تۇردە مالىمدەپ وتىرسىز با؟ الدە، ۇلتتىق بانكتىڭ ۇسىنعان وزگەرىستەرىن بىلمەيسىز بە؟ بالكىم، گەنناديي گەننادييەۆيچ، تاعى ءبىر رەت جازباشا تۇردە جاۋاپ بەرۋگە مۇمكىندىك بەرەمىز بە؟»، - دەدى نۇرلان نىعماتۋلين.
ءوز كەزەگىندە گەننادي شيپوۆسكيح «جازباشا جاۋاپ بەرسىن. ءبىراق جاۋاپ ناقتى بولسىن!» دەگەنىنە اقىشيەۆ كونگەن بولاتىن. الايدا بۇل جاۋاپ ءماجىلىس ءتوراعاسىن قاناعاتتاندىرمادى.
«ءسىز «ناقتى» دەگەن قازاقشا ءسوزدى تۇسىنەسىز بە؟ تۇسىنبەسەڭىز، گەننادي گەنناديەۆيچكە بارىڭىز اۋدارىپ بەرەدى»، - دەدى نۇرلان نىعماتۋلين.
اۆتور: ايان بەكەن ۇلى
